26.01.2017 992

Университеттің ғылыми кеңес залында ағымдағы жылдың 26 – ші қаңтары күні Атырау университетінің «Бірлік» бастауыш партия ұйымында Қазақстан Республикасының Президенті Н.Ә.Назарбаевтың «Билік тармақтары арасындағы өкілеттіліктерді қайта бөлу мәселелері жөніндегі Үндеуін» талқылауға арналған жиын болып өтті.

Бұл жиынға университеттің профессор-оқытушылар құрамы мен қызметкерлері, студенттер және облыстық бұқаралық ақпарат құралдары өкілдері қатынасты. Жиынның басты мақсаты 2017 жылдың 25-ші қаңтарындағы Елбасымыз Н.Ә.Назарбаевтың Билік тармақтары арасындағы өкілеттіліктерді қайта бөлу мәселелері жөніндегі Үндеуін талқылап, өз ой-пікірлерімен бөлісу болды. Аталған жиынды Атырау университетінің «Бірлік» бастауыш партия ұйымының төрағасы, университет ректоры, химия ғылымдарының докторы, профессор Абзал Талтенов ашып, елбасы үндеуі туралы өз ойын білдіріп, бұл үндеу Үкімет пен Парламент рөлін күшейту бағытында жасалған нақты қадам – деп баға берді. Одан соң өз ойлары мен пікірлерін білдіру үшін Атырау университетінің бір топ ғылымдары мінбеге көтерілді. Атырау облыстық қоғамдық кеңесінің мүшесі, физика, математика және ақпараттық технологиялар факультетінің деканы, техника ғылымдарының докторы, профессор - Бекет Кенжеғұлов, Қылмыстық құқық пәндері кафедрасының меңгерушісі, заң ғылымдарының кандидаты, доцент - Жанна Шаяхметова, гуманитарлық ғылымдар және шетел тілдері факультетінің деканы, тарих ғылымдарының докторы, профессор – Аққали Ахмет, «НұрОтан» партиясы Атырау қалалық филиалының саяси кеңесінің мүшесі, азаматтық құқықтық пәндер кафедрасының меңгерушісі, тарих ғылымдарының кандидаты Әлібек Тұрдалиев, Атырау университетінің ғылым бойынша проректоры, педагогика ғылымдарының кандидаты – Саламат Идрисов, университеттің стратегиялық даму департаментінің директоры, халықаралық құқық PhD докторы Динара Тұяқовалар Елбасы үндеуінің еліміз үшін аса маңызды, тағдырлы мәселе екендігіне жан-жақты тоқталып, талдаулар жасады.

Тізімге қайта оралу