«Жеңіс солдаты» атты онлайн шара өтті

«Жеңіс солдаты» атты  онлайн шара өтті

Жеңіс күні -  бұл сан мыңдаған ұрпақ үшін ортақ мереке. Бұл мереке өз Отанын қайсарлықпен қорғаған батырларымыз бен тылда жұмыс жасаған адамдардың ерен еңбектерінің жемісі.

Отан үшін, келешек ұрпақ үшін жанын аямай ерлік үлгісін көрсеткен аталарымыздың еңбегі ұмытылмайды. 

 Соғыстың қасіретін көрмеген жанұя жоқ, сұм соғыс біреуді әкесінен, біреуді жарынан, біреуді туған  бауырынан айырды.

Біздің ұрпақ соғысты көрмесекте, соғыс отында шайқасқан жауынгерлермен қатар жұмыс жасадық, сондай әріптестеріміздің бірі  - соғыс ардагері Айдаралиев Ғабдрахман Әшімбайұлы болатын, ол 17 жасында өзінің төрт ағасымен бірге  Отан қорғауға аттанды, елге аман оралып, ұзақ жылдар білім беру саласында  абыройлы  қызмет атқарды.

Ғабдрахман Әшімбайұлы Гурьев педагогикалық институтының психология кафедрасын ашуға өз үлесін қосып, ұзақ жылдар осы кафедраны басқарды.

Бүгін Х.Досмұхамедов атындағы Атырау мемлекеттік университетінің  «Психология және арнаулы білім беру» кафедрасының профессор- оқытушылары Ұлы Жеңістің 75 жылдығына арналған жауынгер- ұстаз, Ұлы Отан соғысының ардагері Ғабдрахман Әшімбайұлы Айдаралиевты еске алуға арналған  «Жеңіс солдаты» атты  онлайн шара ұйымдастырды. Мерекелік шараны кафедра меңгерушісі, п.ғ.к. Шугаева Гүлшат Қоңратовна ашып, Ғабдрахман Әшімбайұлының өмірбаянымен таныстырды.

Шара барысында университеттің әлеуметтік және тәрбие істері жөніндегі проректоры  Қойшыгулова Ляйла Ерболатовна, «Инновациялық білім беру» факультетінің деканы Мухамбетжанова Ақмарал Утепбергеновна, ардагердің әріптестері Нұрмұқашева Сәлима Қайыржановна, Қаженбаева Айжан Есетовна, Сабирова Жаңылсын Нұрмұхановна, шәкірті Камелова Сания Ибрагимовна, інісі Айдаралиев Болат, немересі Назгүл  өздерінің жүрекжарды естеліктерімен бөлісті.

Шара соңында  Ғабдрахман Әшімбайұлының жұбайы Тәнзила Муртазина, қызы Роза Бішкек қаласынан қатыса отыра, Атырау университеті басшылығына, «Психология және арнаулы білім беру» кафедрасының ұжымына  өздерінің ризашылық сезімдерін білдірді. Кеште Ғабдрахман Әшімбайұлының сүйікті әндері орындалып, студенттер мен магистранттар ән мен жырдан шашу шашты.

ПІКІРЛЕР

Тізімге қайта оралу

ҚҰТТЫҚТАЙМЫЗ!

29 Май 2020 7

Құттықтау сазды бағдарламасының осы аптадағы шығарылымы 25 - 31 мамыр аралыгындағы дүниеге келген әріптестерімізді құттықтауға арналды.

«ӨТКЕНДІ ЕСТЕ САҚТАЙМЫЗ» атты эссе байқауы өтті

29 Май 2020 36

ХХ ғасырдағы саяси қуғын-сүргін - мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі екендігі шындық.

«Ұлы даланың ұлы ақыны - Абай!»

28 Май 2020 36

Х.Досмұхамедов атындағы Атырау мемлекеттік университетінде қазақ халқының ұлы ақыны, ағартушысы Абай Құнанбайұлының 175 жылдық мерейтойына арналған тәрбиелік шара онлайн түрде өтті.

Жаңа ахуал білім және ғылым жүйесін түбегейлі реформалауды талап етеді

28 Май 2020 48

Ұлттық қоғамдық сенім кеңесінің үшінші отырысы пандемияға байланысты онлайн-форматта өтті. Мемлекет басшысы Қасым-Жомарт Тоқаев төрағалық еткен жиында адам капиталын дамыту, білім беру, денсаулық сақтау мәселелері талқыланды.