«Төртқара» мен «Төрткен» және олардың туыстары

«Төртқара» мен «Төрткен» және олардың туыстары

«Төртқара» мен «Төрткен» және олардың туыстары

Бүгін Х.Досмұхамедов атындағы Атырау мемлекеттік университетінде «Қазіргі білім беру кеңістігіндегі физика-математика ғылымдарының ролі» атты V Халықаралық ғылыми-теориялық конференциясы өз жұмысын бастады.

Қазақстан Республикасы Президентінің 2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты халыққа Жолдауынан туындайтын технологиялық жаңғыру, «Цифрлық Қазақстан» бағдарламасын іске асыру, адами капитал сапасын жақсарту жұмыстарын жүзеге асыру мақсатында өткізілген аталмыш ғылыми жиын Атырау өңірінің ғылыми өміріндегі үлкен оқиға саналады.

Конференция жұмысын университет ректоры, химия ғылымдарының докторы, профессор А.Талтенов кіріспе сөзбен ашып, ғылыми жиынның мақсатымен және қатысушылармен таныстырды. Сондай-ақ Қазақстан Республикасы Білім және ғылым министрі Ерлан Сағадиевтің атынан келген конференция қатысушыларына құттықтау хатын оқыды.

Ғылыми конференцияның пленарлық мәжілісінде баяндама жасаған физика-математика ғылымдарының докторы, профессор, ҚР Ұлттық ғылым академиясының академигі, Қазақ-Британ Техникалық Университетінің Жоғары және қолданбалы математика кафедрасының профессоры Жұмаділдаев Асқар Серқұлұлының алгебра саласындағы жаңалықтар және түрлі есептерді шешу жолдары жайындағы баяндамасы қатысушыларға ерекше әсер етті. Күрделі есептерді шешудің жаңа жолдары мен математикадағы «Новиков алгебрасы», «Цинбиел алгебрасы» және басқа да заңдары және ғалымның өзі ашқан «Төртқара алгебрасы», «Төрткен алгебрасы» заңдары түсіндірілді.

Ғылыми конференцияда ЕҰУ теориялық математика және ғылыми есептеу институтының директоры, физика-математика ғылымдарының докторы, профессор Темірғалиев Нұрлан Темірғалиұлы, «Харьков политехникалық институты» Ұлттық техникалық университетінің профессоры, техника ғылымдарының докторы, профессор Хайрова Нина Феликсовна, ЕҰУ жанындағы «Евразиялық халықаралық теориялық физика орталығы» директоры, физика-математика ғылымдарының докторы, «Жалпы және теориялық физика» кафедрасының профессоры Мырзақұлов Ратбай, Ресей ғылым академиясының бірегей аспап жасау ғылыми-технологиялық орталығының директоры, Мәскеу технологиялық университетінің метрологиялар және стандарттау кафедрасының меңгерушісі, физика-математика ғылымдарының докторы, профессор Болатов Марат Фатыхұлы, ҚР ҒА механика және математика зертханасының меңгерушісі, физика-математика ғылымдарының докторы, профессор Құдайкұлов Анарбай Кұдайкұлұлы, әл-Фараби атындағы ҚазҰУ кафедра меңгерушісі, физика-математика ғылымдарының докторы, профессор Мұхамбетжанов Салтанбек Талапеденұлы физика-математика саласынағы өзекті мәселелерді қамтыған баяндамалар жасады.

 

Конференцияға еліміздің барлық өңірлерінен 90-нан аса мақалалар қабылданды және конференция материалдарының екі томдық жинағы жарық көрді.

Түстен кейін конференция жұмысы секциялық мәжілістерде жалғасын тауып, төмендегі бағыттар бойынша ғылыми баяндамалар тыңдалды:

Секция 1. Физика-математика ғылымдарының негізгі бағыттары.

Секция 2. Аймақтағы IT – саланы дамыту, енгізулер мен нәтижелер.

Секция 3. Білім берудегі инновациялық технологиялар

Сондай-ақ халықаралық ғылыми форум Атырау университетінің ғылыми өміріндегі маңызды оқиға саналатын «VII ХАЛЕЛ ОҚУЛАРЫ-2017» аясында ұйымдастырылып отырғанын атап өтеміз.


ПІКІРЛЕР

Тізімге қайта оралу

Ұстаздың мерейлі сәті

19 Ноя 2018 1

Өткен аптада университеттің Музыка және өнер кафедрасының доценті Тамара Мұқанқызы Сүйінғаринаның 60 жас мерейтойына және ғылыми-педагогикалық қызметінің 30 жылдығына арналған салтанатты кеш өтті.

Жалпыхалықтық диктант

14 Ноя 2018 74

Қазақстан Республикасы Президентінің 2018 жылғы 19 ақпандағы №637 Жарлығына және Қазақстан Республикасы Премьер-Министрінің 2018 жылғы 13 наурызындағы № 27 өкімімен бекітілген «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарына» сәйкес Халел Досмұхамедов атындағы Атырау Мемлекеттік университетінде 14 қараша 2018 жылы жалпыхалықтық диктант өткізілді.

Білім және ғылым министрлігінің жауапты хатшысы Арын Орсариев университетімізде

12 Ноя 2018 118

Бүгін 12 қараша күні Қазақстан Республикасының Білім және ғылым министрлігінің жауапты хатшысы Арын Орсариев Амангелдіұлы Х.Досмұхамедов  атындағы Атырау мемлекеттік университетінде болды.

«Байтақ» дискуссиялық клубының «КАСПИЙ ӨҢІРІНІҢ ЭКОЛОГИЯЛЫҚ МӘСЕЛЕЛЕРІНІҢ ЖАҒДАЙЫ, ПРОБЛЕМАЛАРЫ ЖӘНЕ ШЕШУ ЖОЛДАРЫ»

9 Ноя 2018 67

Х.Досмұхамедов атындағы Атырау мемлекеттік университетінің мәжіліс залында  «Байтақ» дискуссиялық клубының «КАСПИЙ ӨҢІРІНІҢ ЭКОЛОГИЯЛЫҚ МӘСЕЛЕЛЕРІНІҢ ЖАҒДАЙЫ, ПРОБЛЕМАЛАРЫ ЖӘНЕ ШЕШУ ЖОЛДАРЫ» тақырыбы бойынша дөңгелек үстел өтті.

ҰЛТТЫҚ ВАЛЮТАҒА 25 ЖЫЛ

9 Ноя 2018 153

         Ұлттық валюта – еліміздің даму көзі, әлемдік деңгейге теңелудің алғашқы факторларының бірі. Ол барлық уақытта тәуелсіздігімізді қамтамасыз етеді.