«Біз біргеміз» акциясы жалғасын тапты
Елбасы Нұрсұлтан Назарбаевтың тапсырмасына сәйкес қолға алынған шарада 7000-нан астам адамға әлеуметтік көмек көрсету жоспарланған. «Нұр Отан» партиясы халыққа ең керекті бетперделер, санитайзер, сабын мен қолға арналған антисептиктері бар жинақтарды үлестіруді бастады. Мұндай көмек әсіресе Ұлы Отан соғысының ардагерлері мен жалғыз қалған қарттарға, аз қамтылған көпбалалы отбасыларға және мүмкіндігі шектеулі азаматтарға көрсетіледі. Осы орайда, елімізде «Біз біргеміз» атты бірыңғай акция басталды. Осы аталмыш акция Атырау қаласында да жалғасын тапты.
Бүгін Ұлыстың ұлы күні Наурыз мерекесінің қарсаңында "Nur Otan" партиясының "Біз біргеміз" акциясы аясында Х.Досмұхамедов атындағы Атырау мемлекетік унивеситетінің ректоры Саламат Нұрмұханұлының бастамасымен және университет жанынан құрылған «Бірлік» бастауыш партия ұйымы, университет қызметкерлері және белсенділері көпбалалы отбасыларға, әлеуметтік жағдайы төмен отбасыларға ұлыстың ұлы күні - Наурыз мейрамымен құттықтап, азық-түлік пен алғашқы қорғаныш құралдарын тарту етті. Мырзағалев Бейбіт Темірбекұлы, «Nur Otan» партиясы Атырау қалалық филиалы төрағасының бірінші орынбасары: - Осы акция аясында 500 отбасын қамтамасыз ету жоспарланып отыр. Оның ішінде ардагерлеріміз және жалғызбасты қарттарымыз бар. Сонымен қатар, әлеуметтік жағдайы төмен отбасыларға да көмек көрсету жоспарымызда бар. Осы шара аясында кеше қаламызың еріктілерімен бірге 250 отбасыға көмек көрсетілген болатын. Бүгін сіздермен бірге акциямызды жалғастыратын боламыз.
ПІКІРЛЕР