«Шетелдік» студенттердің хал-ахуалы қауіп тудырмайды
Х.Досмұхамедов атындағы Атырау мемлекеттік университетінің студенттері «Академиялық ұтқырлық» бағдарламасы аясында шетелде білім алып, тәжірибе алмасуда озық нәтижелерімен көзге түсіп келеді.
Нақтырақ айтқанда, Түркия мемлекетінде білім алып жатқан «Көптілді білім беру» факультетінің 3 курс студенттері Жарқынбек Ақниет, Оразбекова Аяулым, Абдыгалиева Дина короновирус дертінің алдын –алуға арналған сақтық шараларымен қамтамасыз етіліп, қауіпсіздік қызметтерінің күшейгендігі туралы мәлімдеме жасады.
Олар білім беру жүйесінің қашықтықтан оқыту жүйесі қарқынды жүргізіліп, еш кедергісіз қажетті дерек көздерімен уақытылы ақпараттандырылып отырғандығын айтып өтті. Өзге мемлекетте жүрсе де, өз елінен келген қолдау мен көмек көздері өмір қауіпсіздігі мен білім алу сапасының төмендемеуіне кері факторлар туғызбауы оларды қуантып, университет басшылығы мен ұжымына шексіз ризашылықтарын білдірді.
Біздің тарапымыздан көрсетілетін барлық әлеуметтік қолдау көрсету мен өзара тығыз байланыстың үздіксіз болуы – студенттердің сенімділігін арттырып, ынтасын жоғарылатқандығы ерекше байқалады. Өйткені, бәсекеге қабілетті білімді ұрпақ тәрбиелеу – біздің университетіміздің басты миссиясы.
ПІКІРЛЕР