Болашақ заңгерлер әкімшілік соты судьяларымен кездесті
Бүгін Халел Досмұхамедов атындағы Атырау мемлекеттік университеті «Қылмыстық-құқықтық пәндер» кафедрасының ұйымдастыруымен Атырау қаласының мамандандырылған әкімшілік сотының судьяларымен «Құқықтану» мамандығының студенттері және оқытушылар арасында дөңгелек үстел өткізілді.
Онда қазіргі қоғамда орын алған әкімшілік құқық бұзушылықтар туралы кеңінен тоқталды, статистикалық мәліметтер берілді және қазіргі заңнамалардағы өзгерістерге сәйкес жаңа нормалар талқыланды. Атырау қаласының мамандандырылған әкімшілік сотының төрағасы Жақсылық Жасұлан Берікұлы, Атырау қаласының мамандандырылған әкімшілік сотының судьялары Байназарова Замира Габитовна, Абугалиева Самал Сарсембековна студенттер алдында Әкімшілік құқықтың алдына қойылатын міндеттері, мақсаттары, әдістері мен құқықтық реттелуі туралы дәріс оқыды. Дәріс соңында студенттердің қызықтырған сұрақтарына жауап берілді және заң бағытында кеңестер берілді. Мамандандырылған әкімшілік сотының төрағасы Жақсылық Жасұлан Берікұлы және судья Абугалиева Самал Сарсембековна Университетіміздің Ректоры Саламат Нұрмұханұлының қабылдауында болып, екі жақты жасақталған Меморандум және жұмыс жоспары негізінде тығыз қарым-қатынасты жалғастырып болашақ заңгерлерді дайындауда өз үлестерін қосатынын айтты.
ПІКІРЛЕР