«Nur Otan» партиясы Атырау қалалық филиалы төрағасы Атырау университетіндегі бастауыш партия ұйымы жұмысымен танысты
Кеше «Nur Otan» партиясының Атырау қалалық филиалының төрағасы болып сайланған Бейбіт Мырзағалиев Х.Досмұхамедов атындағы Атырау мемлекеттік университетінде болып, «Бірлік» бастауыш партия ұйымының жұмысымен танысып, жастармен кездесті.
Кездесу барысында университетіміздің ректоры, «Бірлік» бастауыш партия ұйымының осы жылдың қаңтар айында сайланған төрағасы Саламат Нұрмұханұлы оқу орнындағы бастауыш партия ұйымының жұмысымен таныстырды. Университеттегі «Бірлік» бастауыш партия ұйымының хатшысы Баянсұлу Тыныбаева қалалық филиал төрағасына партия ұйымының жұмысы туралы толық мағлұмат беріп, университет қызметкерлерінің партия жұмысына тартылуы жайында, қоғамдық қабылдау жұмысы жайында айтты. Өз кезегінде Б.Мырзағалиев Елбасының партия мүшелері алдына қойып отырған міндеттері мен мақсаттарын айтып, бүгінгі таңда саяси, экономикалық, рухани жаңғырудағы партия мүшелерінің белсенділігін атап өтіп, егемен еліміздің жарқын болашағы үшін бәсекеге қабілетті мамандар дайындау - бүгінгі күннің басты талабы екендігін тілге тиек етті. Сонымен қатар, Х.Досмұхамедов атындағы Атырау мемлекеттік университетіне келуінің маңызы туралы айтып, «Nur Otan» партиясының бұқара халықпен бірігіп атқарып жатқан ауқымды жұмыстарына тоқталды. Кездесу соңында студенттермен кездесіп, партияның сепніді істері, оның ішінде әлеуметтік қолдау, білім беру, жастар мәселесіндегі нақты істер жайында, университет жанынан құрылған «Бірлік» бастауыш партия ұйымының алға қойған жоспарлары туралы да айтылды.
ПІКІРЛЕР