«Қазақстанның үшінші жаңғыруы – білімнің үлесінде»
Кафедра филиалдарының жұмысы жалғасуда.
Бүгін Атырау қаласындағы №19 Қ.Сәтбаев атындағы мектеп-гимназиясының тарих пән бірлестігінің ұйымдастыруымен «Қазақстанның үшінші жаңғыруы - білімінің үлесінде» тақырыбында Атырау университетімен бірлескен семинар өтті.
Семинар мақсаты - жаңартылған білім беру мазмұны бойынша оқытудағы жаңа әдіс-тәсілдерді тиімді қолдану.
Семинарға қатысушылар қатарында Х.Досмұхамедов атындағы Атырау мемлекеттік университетінің ұстаздары болды.
Семинар барысында қатысушылар мектеп-гимназиясының ұйымдастырған көрмесін тамашалап, «Жақсы көңіл күй - жан азығы» тақырыбындағы тренингке қатысып, арнайы дайындалған ашық сабақтарын қадағалады. Атап айтыр болсақ, Г.Рахимгалиеваның «Қандай жағдайларда әкімшілік жауапкершілік туындайды?», Т.Аксерикованың «Саяси қуғын сүргін және халықтар депортациясы» және Н.Амированың «Қазақстандағы жаппай отаршылдық қоныс аудару саясаты» тақырыптарында өткізген ашық сабақтарына қатысты.
Семинар соңында Х.Досмұхамедов атындағы Атырау мемлекеттік университеті «Қазақстан және дүниежүзі тарихы» кафедрасымен бірлескен №19 Қ.Сәтпаев атындағы мектеп-гимназиясының «Қазақстанның үшінші жаңғыруы-білімнің үлесінде» атты тарих пән бірлестігінің семинар жұмысына қатысып, белсенділік танытқаны үшін «Гуманитарлық ғылымдар және өнер» факультетінің ұжымына және факультет деканы Хамидуллина Динара Лұқпанқызы мен «Қазақстан және дүниежүзі тарихы» кафедрасы ұжымы және кафедра меңгерушісі Ермағанбетова Ания Үржімбайқызы арнайы «Алғыс хат» алып, марапатталды.
ПІКІРЛЕР