Университет ректоры студенттермен кездесті
Бүгін Х.Досмұхамедов атындағы Атырау мемлекеттік университетінде Жастар саясаты департаментінің ұйымдастыруымен университет ректоры Саламат Нұрмұханұлымен кездесу өтті.
Кездесудің мақсаты – студенттерді университеттегі білім жүйесімен, жастардың ізденістері мен шығармашылығын дамыту бағытындағы жоспарлармен, университеттің ішкі тәртіп ережелерімен және түрлі жеңілдіктермен таныстырып, студенттердің ұсыныс тілектерін тыңдау.
Сондай-ақ, университет басшысы студенттерге оқу орнының ішкі тәртібі мен негізгі ережелерін түсіндіре отырып, университет қабырғасында және одан тыс жерде қоғамдық тәртіп сақтаудың маңыздылығын атап өтті.
Кездесу барысында университет ректоры студенттермен еркін түрде пікір алмасып, сауалдарына жауап беріп, ұсыныстарын тыңдады.
Кездесу соңында университет ректоры көтерілген мәселелер бойынша міндетті түрде іс-шаралар жасалатынын, олардың орындалу барысын өзі қатаң бақылауға алатынын баса айтты.
ПІКІРЛЕР