Экономикалық өмірдің көкейтесті әлеуметтік мәселелері
2020 жылдың 17 ақпанында Экономика және құқық факультетінің Экономика кафедрасы мен Ғылыми кітапхана бірлесе отырып, «Экономикалық өмірдің көкейтесті әлеуметтік мәселелері» тақырыбында 5В050600 «Экономика» мамандығының 2 курс 209 топ, 6В04101 «Экономика» мамандығының 1курс 111 топ арасында пікірталас өткізілді.
Мақсаты –әлеуметтік экономиканың маңызды мәселелерінің бірі – адамдардың еңбекке қатынасы және Қазақстан жастарының алдында тұрған мәселелерді талқылау.
Пікірталас жұмысының алдында Экономика кафедрасының аға оқытушысы Г.Б. Тлепова сөз алып, тақырыптың мақсаты мен міндеттеріне тоқталды.
Осы іс-шараның барысында мемлкеттік жастарды қолдау бағдарламасының негізгі төрт бағыты: қолжетімді баспана, сапалы білім, жұмыспен қамтамасыз ету және жас отбасыларды қолдауға жету жолдарын талқылады. Сонымен қатар, жастардың көші-қонына, жұмысқа және оқуға қатысты мәселелерге ерекше назар аударды.
Шара соңында №4 оқу ғимараты, ғылыми кітапхана оқу залының меңгерушісі Ергужиева Рахиля сөз сөйледі:
Ұйымдастырушы және көрермен ретінде, студенттердің бүгінгі өнеріне тәнті болдым. Олардың өздерін болашақ саясаткер, депутат ретінде көрсете білгендеріне қуаныштымын. Жастар еліміздің болашақ гүлденуінің негізі. Болашақта кафедра мен ЖОО-ның қоғамдық, ғылыми қызметіне белсене қатысып, сәттілік пен жемісті еңбек тілеймін.
«Экономика» мамандығының 209 топ студент Кадашев Асылбек :
Пікірталас – жастарды көшбасшылыққа баулудың бір жолы. Жеке тұлға болып қалыптасу үшін де жеке пікір болу керек. Ал жеке пікір айта білу мен ойыңды орынды жеткізу үшін пікірталас жарыстарына қатысқан абзал деп санаймын.
ПІКІРЛЕР