«Жаңартылған білім беру мазмұны: ізденістер мен нәтижелер» тақырыбында әдістемелік семинар өтті
2020 жылдың 15-ақпаны күні Х.Досмұхамедов атындағы Атырау мемлекеттік университетінің Информатикакафедрасының филиалы Атырау қаласының №19 Қ.Сәтпаев атындағы мектеп-гимназиясы базасында «Жаңартылған білім беру мазмұны: ізденістер мен нәтижелер» тақырыбында әдістемелік семинар өтті.
Бұл семинар Физика, математика және ақпараттық технологиялар факультетінің Информатика кафедрасының «Х.Досмұхамедов атындағы Атырау мемлекеттік университетінің 70 - жылдығын атап өтуге арналған 70 қадам» бағдарламасы аясында ұйымдастырылды. Әдістемелік семинардың мақсаты: жаңартылған білім беру мазмұны негізінде оқу-тәрбие үдерісіне өзгерістер енгізу арқылы білім сапасын арттыруға жағдай жасау, мұғалімдердің, болашақ мамандардың кәсіби құзыреттілігін дамытуға қолдау көрсету. Семинар барысында«Біз - біргеміз!» атты тренинг, «Жаңартылған білім беру шеңберінде қолданылатын тиімді әдіс-тәсілдер» тақырыбында коучинг, «Жаңартылған білім беру мазмұны: Бағалау. Бағалау үшін әзірленетін тапсырмалар» атты шеберлік сыныбыжәне«Жаңартылған білім беру мазмұны: өзгерістер мен нәтижелер» кері байланысыкөрсетілді. Осы шараға №19 Қ.Сәтпаев атындағы мектеп-гимназия мұғалімдері Г.Б.Қойбағар, С.Р.Магзумова, М.Т.Шалапиева, Э.Т.Сатыбалдиева, Б.Ж.Бисекенова, «Назарбаев зияткерлік мектебінің» мұғалімі Н.Ж.Жубанова,№2 Ж.Нәжімеденов атындағы мектептің мұғалімдері Г.У.Умбеталиева мен Н.И.Унгаралиева, Х.Досмұхамедов атындағы Атырау мемлекеттік университетінің Информатика кафедрасыныңпрофессор-оқытушылары және «05011100-Информатика» мамандығының 3-курс студенттері белсене қатысты. Семинар жұмысын қорытындылауда сұрақ-жауап, ұсыныстар айтылды,информатика кафедрасының профессоры Г.А.Салтанова мен мектеп директорының оқу ісі жөніндегі орынбасары Т.К.Мукашева жаңартылған білім беру бағытындағы бүгінгі таңдағы өзектіболып табылатын ұсыныстарын ортаға салды.
Семинар соңында студенттер,кафедра оқытушылары және мектепмұғалімдері алғыс хаттармен марапатталды. Әдістемелік семинардың студенттердің теориялық білімін тәжірибемен ұштастыруда және информатика кафедрасының профессор-оқытушылары мен мектеп мұғалімдері арасында іс-тәжірибе алмасуда әсері зор болды.
Сонымен қатыр, "Информатика" кафедрасымен бірлескен №19 Қ.Сәтпаев атындағы мектеп-гимназиясының "Жаңартылған білім беру мазмұны: ізденістер мен нәтижелер"атты жұмысына қатысып, белсенділік танытқаны үшін мектеп басшылығы Х.Досмұхамедов атындағы Атырау мемлекеттік университетінің ұжымына және университет ректоры Идрисов Саламат Нұрмұханұлына алғыс білдіріп, арнайы "Алғыс хат" табыстады.
ПІКІРЛЕР