Облыстық көркемсөз байқауының жеңімпаздары анықталды
Ұлы ақын, ағартушы, қазақ жазба әдебиетінің негізін қалаушы, философ, композитор, аудармашы қазақ қоғамының реформаторы Абай Құнанбайұлы алты алаштың, иісі қазақтың мақтанышы.
Абайды таныту арқылы біз Қазақстанды әлемге танытамыз, қазақ халқын танытамыз. Абай әрқашан біздің ұлттық ұранымыз болуы тиіс . Бүгінгі күні Х.Досмұхамедов атындағы Атырау мемлекеттік университетінің шаңырағында қазақ бас ақыны Абай Құнанбайұлының 175 жылдығы – Білім ордамыздың 70 жылдығымен орайлас келіп тұр.
Осыған орай бүгін қаламгер талантына тағзым ету мақсатында Х.Досмұхамедов атындағы Атырау мемлекеттік университетінің Көптілді білім беру факультеті мен Жастар саясаты департаменті қазақтың ұлы ақыны Абай Құнанбайұлының 175 жылдығына арналған «Абай оқулары – 2020» облыстық көркемсөз байқауын өткізді.
Байқау басында сөз алған ақын, филология ғылымдарының докторы, профессор Қадыр Жүсіп:
«Барша қазақ баласы Абайды тануға, білуге, Абаймен мақтануға тиіс. Ұлы ақын өз халқын өркендеген, өскен, еркін халық ретінде көруді арман еткен. Сол Абай аңсаған арманына жетіп отырмыз.
Олай болса, жүрегі қазақ деп соққан қазақ жұрты Абайдың өлеңдерін бойтұмарындай сақтап жүруі тиіс.»,- деп қатысушыларға сәттілік тіледі.
Қатысушыларға қазылық еткен әділқазылар алқасынынң төрағасы- «Фариза жұлдыздары» облыстық жас ақындар клубының жетекшісі - Әлия Дәулетбаева, қазылар құрамында - «Былина» этнобірлестігінің жетекшісі, Кораблев Андрей Александрович, Жалпы білім беретін 16 орта мектептің мұғалімі - Нурушева Зульфия Сабитқызы, Республикалық, облыстық жыр-мүшәйралардың лауреаты - Ниязбаева Асылай болды.
Байқау барысында қазылар алқасы үміткерлер өнерін бағалау кезінде олардың: шығарманы оқу шеберлігіне, дауыс мәнеріне және тіл тазалығына, шығарманы таңдау талғамына баса назар аударып, жеңімпаздарды анықтады. Байқау соңында қазылар алқасының шешімімен қазақ тілі бойынша - жүлделі I-ші орынды гуманитарлық ғылымдар және өнер факультетінің 1-курс студенті Мұхтарғалиев Данир, II-ші орынды Сафи Өтебаев атындағы Атырау мұнай және газ Университетінің 1-курс студенті Хисметова Әйгерім, III-ші орынды Көптілді білім беру факультетінің 1 курс студенті Насимуллина Азиза мен Инновациялық білім беру факультетінің1курс студенті Шоқаев Жалғас иеленді. Ал, орыс тілі бойыншы жүлделі I-ші орынды Гуманитарлық ғылымдар және өнер факультетінің студенті Мусагали Айдана, II-ші орынды Сафи Өтебаев атындағы Атырау мұнай және газ Университетінің 3 курс студенті Бочкова Рината, III-ші орынды Сафи Өтебаев атындағы Атырау мұнай және газ Университетінің 1 курс студенті Сайнова Альфия иеленді. Байқаудың соңғы бөлімі шет тілдері бойынша жүлделі I-орынды Көптілді білім беру факультетінің 3 курс студенті Сараева Флора, II-ші орынды Көптілді білім беру факультетінің 1 курс студенті Исламова Әсия, III-орынды Көптілді білім беру факультетінің 1 курс студенті Үкібай Шырынгүл иеленді. Жүлделі орынға ие болған жеңімпаздар марапатталып, қатысушыларға сыйлықтар табысталды.
Абай мұрасы - қазақтың ең қасиетті, теңдесі жоқ, алтын қазынасы.Заман ауысып, уақыт өткен сайын халқымыз ғұлама Абайдың рухани дүниесіне терең бойлап, оның ұлылығының тың қырларын ашып, жаңа сырларына қаныға түседі. Абай өзінің туған халқымен мәңгі - бақи бірге жасайды, ғасырлар бойы қалың елін қазағын жаңа биіктерге, асқар асуларға шақыра береді.
ПІКІРЛЕР