Атырау облысы Қазақстан халқы Ассамблеясы Ғылыми-сараптамалық тобының мәжілісі өтті
Бүгін Х.Досмұхамедов атындағы Атырау мемлекеттік университетінің ғылыми кеңес залында Атырау облысы Қазақстан халқы Ассамблеясы Ғылыми-сараптамалық тобының мәжілісі өтті.
Жиынға Атырау облысы әкімі аппараты Қазақстан халқы Ассамблеясы Хатшылығының, «Қоғамдық келісім» коммуналдық мемлекеттік мекемесінің басшылары, Қазақстан халқы Ассамблеясы Ғылыми-сараптамалық тобының мүшелері, этномәдени бірлестіктерінің басшылары, БАҚ өкілдері қатысты.
Мәжілісті Атырау облысы әкімі аппараты Қазақстан халқы Ассамблеясы Хатшылығыныңмеңгерушісі Г.М. Шәкіровамен Х. Досмұхамедов атындағы Атырау мемлекетттік университетінің ректоры С.Н. Идрисов жүргізді.
Жиынды ашқанХ. Досмұхамедов атындағы Атырау мемлекетттік университетінің ректорыС.Идрисов:
- Еліміздегі қоғамдық келісім мен этносаралық толеранттылықты қамтамасыз ететін мемлекеттік және қоғамдық институттарының орны ерекше. Облысымыздағы жоғары оқу орындарының ғалымдары Мемлекет басшысының «Сындарлы қоғамдық диалог – Қазақстанның тұрақтылығы мен өркендеудің негізі» атты халыққа Жолдауында және Елбасының «Рухани жаңғыру», «Ұлы Даланың жеті қыры» мақалаларында көзделген міндеттер мен жобаларды іске асыру шараларын атқаруда, -деп, бұл ортақ жұмыстағы ғылыми-сараптамалық қауымның да үлесі зор екенін атап өтті.
Атырау облысы әкімі аппараты Қазақстан халқы Ассамблеясы Хатшылығының меңгерушісі Г.М. ШӘКІРОВА Қазақстан халқы Ассамблеясы ғылыми-сараптамалық қауымдастықтың басты міндеттерінің бірі – ел экономикасы мен мәдениетінің дамуына Қазақстан этностарының үлесін зерттеу және көпшілікке таныту екенін тоқталды.
Мәжілістің ашылуы университетіміздің ғылыми кітапханасына Ж.Ү. Қыдыралинаның «Эрик Югай» Қазақстанның мұнай-химия саласының және корей этномәдени бірлестігінің ардагері туралы жаңа кітабын сыйлау рәсімінен басталды.
Одан әрі Ж.У.Кыдыралина Қазақстан халқы Ассамблеясы Ғылыми-сараптамалық тобының 2019 ж. жұмысы туралы есебімен таныстырды.
Сондай-ақ, жиын барысында күн тәртібінде көзделген барлық мәселелер қамтылып, ғылыми-сараптамалық тобының жаңа құрамы бекітілді. Ғылыми-сараптамалық тобының2020 жылға арналған жұмыс жоспары таныстырылды.
ПІКІРЛЕР