30.01.2020 1089

Жуырда «Атырау-Ақпарат» ЖШС-да медиахолдингтің баспаханасында 2019 жылы жарық көрген кітаптардың авторларымен кездесуі өтті. Баспагерлердің белгілі жазушылар, ақындар, ғалымдармен жаңа жылдағы алғашқы кездесуде Х. Досмұхамедов атындағы Атырау мемлекеттік университетінің де өкілдері болды.

Олар ғылыми монографиялар, тарихи-құжаттық зерттеулер, поэзия жинақтарының авторлары: Ә. Кекілбаевтың мұрасын зерттеу ҒЗО директоры, филология ғылымдарының докторы Қ.Ө. Жүсіп; Қазақстан халқы Ассамблеясы ҒЗИ директоры, тарих ғылымдарының докторы, профессор Ж.Ү. Қыдыралина; «Мәңгілік Ел» ҒЗО директоры, тарих ғылымдарының докторы, қауымдастырылған профессор А.Қ. Ахмет; биология және ауылшаруашылық пәндер кафедрасының қауымдастырылған профессоры, ауылшаруашылық ғылымдарының докторы К. Ырзағалиев; университеттің баспасөз-хатшысы, ақын А. Қаршығаұлы. Шараны баспаның әдеби редакторы, Қазақстан журналистер Одағының мүшесі Ә. Толеушев жүргізді. Баспагерлер мен авторларлардың кездесуінде баспа ісінің бугінгісі мен болашағы, кітаптардың бағасы мен полиграфиялық сапасы жөнінде мәселелер қозғалды. Биылғы жылы университетіміздің 70 жылдығына орай ғалымдардың жаңа ғылыми монографиялар мен басқа да кітаптардың дайындалуына байланысты баспаханаға сұраныс көбеюде. Ж. Қыдыралина, Қазақстан халқы Ассамблеясының ҒЗИ директоры

Тізімге қайта оралу