«Мемлекеттік қызмет мектебі» өз жұмысын жалғастыруда
Қазақстан Республикасы Мемлекеттік қызмет істері агенттігінің Атырау облысы бойынша департаментінің басшылығымен 2018 жылдың қараша айында Атырау облысы жоғары оқу орындарының 4курс студенттеріне «Мемлекеттік қызмет мектебі» ашылған болатын.
Мектеп жұмыстарын жандандыру үшін, жобаның екінші айналымын іске асыруға қолдау көрсету мақсатында Экономика және құқық факультеті, Менеджмент кафедрасының ұйымдастырумен 2019-2020 оқу жылының 29 қаңтарында сағат 10.30да 5В051000-Мемлекеттік және жергілікті басқару, 5В050600-Экономика, 5В030100-Құқықтану мамандығының 3 курс студенттерінің қатысуымен «Мемлекеттік қызмет мектебі» туралы дөңгелек үстел өткізілді. Бұл мектептің негізгі мақсаты жас көшбасшыларды оқыту, мемлекеттік қызметке дарынды, талантты болашақ мамандарды тарту және мемлекеттік мекемелерде тағылымдамадан өткізу арқылы мемлекеттік қызметтің іс жүзіндегі дағдыларын үйрету болып табылады. Дөңгелек үстел барысында студенттер бұл мектепке қалай қабылданады, мемлекеттік қызметке өту тестісіне қалай дайындалуға болады деген сияқты көкейтесті сұрақтарына жауап алып, пайдалы кеңестер тыңдады. Бұл мектепке қабылдануға университетіміздің кез-келген мамандығының 4 курс студенттері ұсыныс бере алатындығы және аяқтаған соң сертификат берілетіндігі жөнінде де ақпарат берді. Егер осы ақпарат сізді қызықтырса №4 оқу ғимараты, №111 кабинетке келіп өтініш жазуға болады.
ПІКІРЛЕР