Ақындар айтысы өтті
Бүгін Х.Досмұхамедов атындағы Атырау мемлекеттік университетінде Абай Құнанбайұлының 175 жылдығына орай «Адамзаттың бәрін сүй бауырым деп...» атты облыстық ақындар айтысы өтті.
Облыстық ақындар айтысында қазылық жасап, жеңімпаздарды анықтаған әділқазылар алқасынының құрамында Жәниба Қарасаева, Баязи Әбдешов және Саадат Нұрманов болды. Бүгінгі айтыста барлығы 18 ақын, яғни 9 жұп өнер көрсетті. Қорытынды есеппен, қатысушылар арасынан үзік деп танылып Жәнібек Садыров бас жүлдені қанжығасына байлады. Жүлделі I-ші орынға Шалқарбай Ізбасаров, II-ші орынға Серік Қойшығұлов және Амангелді Панабердиев ие болды. Сонымен қатар, жүлделі III-ші орынды Өнербек Дәулекенов, Фариза Жетпісбаева және Алшынбек Мұқанғалиев өзара бөлісті. Жүлделі орынға ие болған ақындар республикалық айтыстың іріктеу кезеңіне жолдама алды. Айта кетейік, қатысушылар қатарында Х.Досмұхамедов атындағы Атырау мемлекеттік университетінің студенттері де өнер көрсетіп, жүлделі орындарға ие болды.
ПІКІРЛЕР