Лидерлер форумы басталды

Бүгін Х.Досмұхамедов атындағы Атырау мемлекеттік университетінде Студенттік басқару ұйымының ұйымдастыруымен "Bizdin TIME" атты лидерлер форумы басталды.

Лидерлік форумың басты мақсаты - студенттерімізді біріктіріп, жастары белсенді елдің ертеңі жарқын  екенін түсіндіру. 

Форумды ашып, алғы сөз алған университет ректоры Саламат Нұрмұханұлы қатысушыларға сәттілік тілеп, белсенді жастардың жұмыстарына тек қолдау білдіретіндігін баса айтты.
Арнайы келген қонақтар қатарында, "Jas Otan" Жастар қанатының төрағасы Бисенбаев Елнұр Сабыржанұлы болды.
Сонымен қатар,  Атыраудың жедел жәрдем станциясына қауырт кезде көмек беретін еріктісі Арман Қасымов өз сөзінде:
- Менің міндетім көлікті даярлау. Қажет болса, салон ішін тазалау. Көп жағдайларда ауыр жарақат алғандардан қан дақтары қалады. Ол келесі шақырушыға кері әсер етері анық. Сол себепті, кезекті шақыруға көлік те дәрігерлер де дайын болуы керек,-деп ерікті болудың оңай емес екендігін жеткізіп, жастарды өз еркімен қоғамға пайдасын тигізуді көздейтін ерікті болуға шақырды. 

Айта кетейік, бүгін бастауын алған лидерлік форум үш күнге жалғасатын болады.  



ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 38

                      

Тәлімгерлік жоба тұжырымдамасы өз жұмысын бастады

26 Сен 2022 50