Мектепке дейінгі білім алушыларға арналған SUSDEV

Бүгін, 22 қаңтар күні №24 «Бақытты балалық шақ» балабақшасында «мектепке дейінгі білімге  тұрақты даму элементтерін енгізу» атты семинар өтті.

Аталған семинар Эразмус+ Еуропалық Одақтың халықаралық бағдарламасы қаржыландыратын «SUSDEV – тұрақты даму мақсатында өмір бойы оқыту» жобасын жүзеге асыру аясында ұйымдастырылды.

Жобаны жүргізу барысында 2016-2019 ж.ж. аралығында Х. Досмұхамедов атындағы Атырау мемлекеттік университеті базасында Атырау қаласындағы балабақшалардың тәрбиешілері мен бастауыш сынып мұғалімдеріне арналған бірқатар семинарлар өткізді.

Мектепке дейінгі білімге тұрақты даму элементтерін енгізу курсын алған қаланың алғашқы балабақшаларының бірі №24 «Бақытты балалық шақ» балабақшасының директоры Б.Д. Бескулова семинарды мемлекеттің тұрақты дамуын қамтамасыз етудегі білім мен ғылымның рөлі туралы презентациямен ашты.

Жобаның қатысушылары – Х.Досмұхамедов атындағы Атырау мемелекеттік университетінің қызметкерлерімен балабақша тәрбиеленушілеріне арналып әзірленген ECO MIND әдістемелік құралымен таныса отырып, №24 балабақшаның тәрбиешілері оқу үдерісіне әдістерді енгізу бойынша өздерінің алғашқы қадамдарын көрсетті.

Сонымен қатар тәрбиешілер Жумашева З.К., Нефредин Л.Г., Даулетова Н.А., Калиева Р.К. балабақшаның 4 түрлі тобында қазақ және орыс тілдерінде көрнекі сабақтар өткізді.

Семинарға қала балабақшаларынан 30 тәрбиешілер мен әдіскерлер келді және олар №24 балабақша әдіскері Сундетова С.З. жүргізген сабаққа қатысып, олар үшін ұйымдастырылған ситуациялық есептерді шешуге арналған блиц-ойындарға ат салысты.

Семинар соңында қатысушылар балабақшаларда SUSDEV жобасын іске асырудың маңыздылығын, яғни кішкентай жастан бастап балаларға тұрақты даму элементтерін сіңіру қажет екендігін атап өтті.

Ғылым департаменті

 

 

 

 

 

ПІКІРЛЕР

Тізімге қайта оралу

Құттықтаймыз!

5 Мар 2021 49