Спартакиада жеңімпаздары анықталды

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.

Спартакиаданың негізгі өткізілу мақсаты - профессор-оқытушылар құрамы және қызметкерлер арасында салауатты өмір салтын кеңінен насихаттау және бұқаралық спортты одан әрі дамыту болып табылады.

Жарысқа қатысушылар қатарында экономика және құқық факультеті, гуманитарлық ғылымдар және өнер факультет, физика,математика және ақпараттық технологиялар факультеті, жаратылыстану және ауылшаруашылық ғылымдары факультеті, инновациялық білім беру факультеті, көптілді білім беру факультеті және әскери кафедра, әкімшілік департаменті болды.

Жеңімпаздарды марапаттау үшін сөз алған университет ректоры Идрисов Саламат Нұрмұханұлы  жарысқа қатысушыларға  ризашылығын білдірді.

Дәстүрлі 68-ші спартакиаданың қорытындысы бойынша жүлделі III-ші орынды әкімшілік департаменті, II-ші орынды гуманитарлық ғылымдар және өнер факультеті иеленді. Ал, биылғы жылдың Ректор кубогін экономика және құқық факультеті жеңіп алды.

Біздің профессор-оқытушыларымыз және қызметкерлеріміз университет қабырғасында білім беріп қана қоймай, спортпен айналысып, салауатты өмір салтын қалыптастыру мақсатында үлестерін қосып, жеңіске жетуде.

Жеңіске жеткен қатысушыларымызды құттықтаймыз!

 

 

ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Окт 2020 31