14.01.2020 1414

2020 ж. 11 қантарда Атырау қаласындағы облыстық «Достық үйінде» Х. Досмұхамедов атындағы Атырау мемлекеттік университеті Қазақстан халқы Ассамблеясы Институтының директоры, тарих ғылымдарының докторы, профессор Ж.Ү. Қыдыралинаның «Эрик Югай» тарихи-деректік және танымал басылымның тұсаукесері өтті.

Қазақстандық бірегейлік пен ұлт бірлігінің құндылықтарын қоғамдық санаға еңгізу бағыттарының бірі Қазақстан этностарының ел экономикасы мен мәдениетінің дамуына үлестерін зерттеу және көпшілікке таныту. Казақстанның мұнай-химия өндірісі кәсіпорындарының басшыларының бірі, Атырау қаласы корей этномәдени бірлестігінің ардагері Эрик Михайлович Югайдің 70-жылдығына арналған бұл тарихи-деректік және танымал басылымда отандық және шетелдік мемлекеттік мұрағаттарының құжаттары және басқа да жан-жақты материалдар пайдаланылған. Шарада сөз алған Атырау облысы әкімі аппараты Қазақстан халқы Ассамблеясы Хатшылығының меңгерушісі Г.М. Шакирова, кітап авторы Ж.Ү. Қыдыралина, кітап кейіпкері - Э.М. Югайдың Нұр-Сұлтан, Алматы қалаларындағы әріптестері, мұнай, химия саласының ардагерлері, достары О.А. Лызлов, Н.К. Кейкин, Г.Г. Яшков, А. Есқариев және т.б. мерейтой иесін құттықтап, кітапта көрсетілген өмірдерек жастарға ұлгі болатын маңыздылығы туралы айтып өтті.

Тізімге қайта оралу