13.01.2020 1391

    Бүгін университетімізде  Парламент Мәжілісінің депутаты, саясаттану ғылымдарының докторы, университетіміздің түлегі Хаменова Бақытгүл Қайыржанқызымен кездесу өтті. Кездесуге университетіміздің профессор-оқытушылар құрамы қатысты.

Атырау облысына іссапармен келген мәжіліс депутатының жұмыс сапарының басты мақсаты - Парламент қабырғасында қаралып жатқан заң жобалары мен және еліміздің осы жылғы бюджеті туралы және әлеуметтік мәселелелер туралы түсінік беру. Жиын барысында ең төменгі жалақы алатын ұстаздардың еңбекақысын көбейту және басқа да әлеуметтік мәселелердің қалай шешіліп жатқаны айтылды. Сонымен қатар, бұл кездесуде депутатқа университет профессорлары тарапынан бәсекеге қабілетті маман даярлау және ұстаз мәртебесін көтеру туралы сұрақтар қойылып, осы мәселеге байланысты ұстаздардың пікірі тыңдалды. Сондай-ақ, депутат жемқорлықты тілге тиек етті. - Расымен жемқорлық елдің экономикасына, әлеуметтік саланың дамуына кедергі келтіреді. Сондықтан жемқорлық еліміз үшін, болашағымыз үшін өте қауіпті,- деп баса айтты ол. Айта кетейік, депутат Бақытгүл Хаменова айтылған барлық ұсынысты Білім және ғылым министрлігіне, Парламентке жеткізетінін, алдағы уақытта мұндай байланыстар жалғасын таба беретінін айтты.

Тізімге қайта оралу