«Nur Otan» партиясы «Бірлік» бастауыш партия ұйымының кезекті жиналысы өтті
Бүгін Х.Досмұхамедов атындағы Атырау мемлекеттік университетінде «Nur Otan» партиясы «Бірлік» бастауыш партия ұйымының кезекті жиналысы өтті.
Жиын барысында «Бірлік» бастауыш партия ұйымы төрағасын сайлау, «NurOtan» партиясы облыстық филиалының кезектен тыс XXXI конференциясы өткізілетініне байланысты бастауыш ұйымның делегаттарын ұсыну, бюро мүшелерін тағайындау мәселелері қаралды. Осыған орай университеттің «Nur Otan» партиясы «Бірлік» бастауыш партия ұйымының төрағасына ректор С.Идрисов, «Nur Otan» партиясы «Бірлік» бастауыш партия ұйымының Саяси бюро құрамына 11 адам енгізіліп, «Nur Otan» партиясы Атырау қалалық филиалының кезектен тыс XXXVI конференциясына делегаттар сайланды. Жоғарыда аталған мәселелерден кейін сөз алған, «Nur Otan» партиясы «Бірлік» бастауыш партия ұйымының төрағасы, ректор С.Идрисов Қазақстан Республикасы Тұңғыш Президенті Нұрсұлтан Назарбаевтың төрағалығымен 2019 жылы 21 тамызда «Nur Otan» партиясы Саяси кеңесінің кеңейтілген отырысында Елбасы, Төраға «Сенім. Диалог. Болашаққа нық қадам – «Nur Otan» партиясының 7 серпіні» атты бағдарламасы арқылы партия жұмысын жүйелі жаңғырту бойынша тапсырмалар бергендігін және ел дамуының стратегиялық мақсаттарына қол жеткізу үшін партияның қоғамды жұмылдыру үдерісінде маңызды рөл атқаратынын атап көрсетті. Университеттің «Атырау өлкесінің тарихы, археологиясы және этнографиясы» ғылыми зерттеу орталығының директоры, тарих ғылымдарының докторы, партия мүшесі, облыстық «Саясаттанушылар клубы» жетекшісінің орынбасары Сайфулла Жұмабайұлы Сапанов «Nur Otan» партиясының 7 серпіні бағдарламасы жайында көлемді баяндама жасады. Айта кетейік, жалпы университет бойынша бастауыш партия ұйымының мүшелігін 20 жасқа дейін – 272 адам, 30-40 жасқа дейін – 150 адам, 41-50 жасқа дейін 141 адам, 51- 60 жасқа дейін 137 адам, 60- жастан жоғары - 57 адам құрайды. Есепті жылдың ішінде 101 оқытушы мен студент «Nur Otan» партиясының қатарына өтті. Осы есепті жылда білім мен ғылым саласындағы жемісті еңбектерімен, партияның түрлі деңгейдегі іс-шараларына нақты қолдау көрсетіп, партияның бағдарламалық міндеттері мен мақсаттарын жүзеге асыруда белсенділік танытқан 22 партия мүшесі Атырау облыстық және Атырау қалалық «Nur Otan» партиясы филиалдарының саяси Кеңесінің шешімімен Алғыс хаттарына ие болды.
ПІКІРЛЕР