Спартакиада басталды
Дене шынықтыру және спорт біздің айрықша назарымызда болуы тиіс. Нақ сол салауатты өмір салты ұлт денсаулығының кілті болып саналады. Осыған орай бүгін Х.Досмұхамедов атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиаданың ашылу салтанаты өтті.
Спорттық шараны Х.Досмұхамедов атындағы Атырау мемлекеттің университетінің ректоры Саламат Нұрмұханұлы құттықтау сөзбен ашып, жарысқа қатысушыларға сәттілік тіледі.
Білім ордасының басшысы дене шынықтыру және бұқаралық спортты дамыту жолындағы жасалып жатқан іс-шаралардың университет әкімшілігі тарапынан қашанда қолдау табатынын баса айтты.
Спартакиаданың негізгі өткізілу мақсаты - профессор-оқытушылар құрамы және қызметкерлер арасында салауатты өмір салтын кеңінен насихаттау және бұқаралық спортты одан әрі дамыту болып табылады.
Жарысқа қатысушылар қатарында экономика және құқық факультеті, гуманитарлық ғылымдар және өнер факультет, физика,математика және ақпараттық технологиялар факультеті, жаратылыстану және ауылшаруашылық ғылымдары факультеті, инновациялық білім беру факультеті, көптілді білім беру факультеті және әскери кафедра, әкімшілік департаменті бар.
Профессор-оқытушылар мен қызметкерлер арасында өткізілетін жарыс спорттың 9-түрінен яғни, волейбол, шахмат, баскетбол, мылтық ату, арқан тарту, үстел теннисі, футзал, кросс, балық аулаудан өткізіледі.
Айта кетейік, «Дені сау ұрпақ – жарқын болашақтың кепілі» ұранын ұстанған университет басшылығы биылғы оқу жылы барысында осындай маңызда да пайдасы зор шаралардың бірқатарын өткізбекші болып жоспарлап отыр.
Спорттық жарыс қаңтар айының 17-сіне дейін жалғасатын болады.
ПІКІРЛЕР