«Жас Тұлпар – 2019» үздіктері анықталды
Жыл қорытындысы бойынша үздіктер "Жас Тұлпар - 2019" премиясымен марапатталды!
Соның бірі, Х.Досмұхамедов атындағы Атырау мемлекеттік университетінің дене шынықтыру және спорт мамандығының 3-ші курс студенті Абу Аманжан Атырау облысы Қызылқоға аудандық жастар премиясы бойынша "Үздік жас спортшы" номинациясын жеңіп алып, "Жас Тұлпар - 2019" жастар премиясымен марапатталды.
Айта кетейік, бүгінгі күнге дейін Қазақстан Республикасының екі дүркін чемпионы, Азия чемпионы атанған Абу Аманжан Самбо күресінен Қазақстан Республикасының спорт шебері, жастар арасындағы әлем чемпионатының қола жүлдегері және ересектер арасында әлем кубогінің екі дүркін күміс жүлдегері атанған. Сонымен қатар, Қазақстан Республикасының "Самбо саңлағы" төс белгісімен марапатталған.
Сонымен қатар,Атырау облысы жастар саясатының дамуына, облыс жастарының белсенділігі, қабілеті мен шығармашылығын шыңдауға қосқан үлесі үшін Жаратылыстану жəне ауыл шаруашылық ғылымдары факультеті, география мамандығының IV курс студенті Бисембай Ақтілек Бисембайұлы "Жас Тұлпар - 2019" Жастар премиясына қатысып, Атырау облыстық Жастар саясаты басқармасының алғыс хатымен марапатталды!
Айта кетейік, Бисембай Ақтілек - биылғы оқу жылында көптеген жетістікке жеткен бітіруші түлек. Мысалы, қараша айында Алматы қаласындағы Республикалық форумға қатысып, Астана қаласындағы халықаралық "Үздік студент" байқауында І дәрежелі дипломмен марапатталып, "үздік студент" төсбелгісін иеленді. Жыл бойы университеттің ғылым-білім және мәдени-қоғамдық жұмыстарына зор үлесін тигізгені үшін ректордың алғыс хатымен марапатталды.
Аманжан мен Ақтілекті жеткен жетістіктерімен шын жүректен құттықтап, алда талай белестерді бағындыруларына тілек білдіреміз
ПІКІРЛЕР