Қазақстан Республикасы Парламенті Сенаты мен Мәжілісі депутаттарымен кездесу

Қазақстан Республикасы Парламенті Сенаты мен Мәжілісі депутаттарымен кездесу

2020 жылдың 5 қаңтарында Х.Досмұхамедов атындағы Атырау мемлекеттік университетінде ҚР Парламенті Сенатының депутаты Дүйсембаев Ғұмар Ислямұлы, ҚР Парламенті Мәжілісінің депутаттары Ізмұхамбетов Бақтықожа Салахатдинұлы, Мамраев Бейбіт Баймағамбетұлы атыраулық педагогикалық қауым өкілдерімен кездесті. Сонымен қатар қатар кездесуге «Nur Otan» партиясының Аытрау облыстық филиалы төрағасының бірінші орынбасары Н.Ожаев, облыстық Қоғамдық кеңес төрағасы М.Өтешев, Атырау облыстық мәслихат хатшысы Ө.Зайнуллин,Қазақстан Республикасының  Білім және ғылым министрлігінің Жоғары оқу орнынан кейінгі білім беру департаментінің директоры Әділет Тойбаев   және басқа да қоғам қайраткерлері, облыстағы жоғары оқу орындары, колледж оқытушылары қатысты.

Жиын тізгінін қолға алған университетіміздің ректоры С.Н.Идрисов Жыл басындағы Парламент депутаттарымен кездесудің білімнің қара шаңырағы – Атырау университетінде басталуын жақсылықтың нышанына балап, негізгі қозғалар тақырып мұғалім мәртебесі, жақында ғана қабылданған «Педагог мәртебесі туралы» заң, білім берудегі өзекті мәселелер төңірегінде болатындығын айтып, әріптестерге көкейлерінде жүрген көп сауалға жауап ала алатындығын атап өтті.

Кездесуде депутаттар Педагог мәртебесін көтеретін заң туралы кеңінен тоқталды.

-19 баптан тұратын заң жобасын дайындау үшін елдің пікірлері мен ұсыныстары ескеріліп, қоғамдағы белсенді топтармен келісім арқылы жүзеге асқан заңды ендігі жерде толыққанды жүзеге асыру қажет деп білемін. Шын мәнінде мұғалім мәртебесін көтеру ұстаздың біліктілігін артыру мәселелері уақыт күттірмеу керек, - деді алғашқы сөз кезегін алған Мәжілісі депутаты Бақтықожа Ізмұхамбетов.

Мәжіліс депутаты Бейбіт Мамраев еліміздің мұғалім кадрларын әлеуметтік қолдауға, педагогтардың қоғамдағы беделін арттыруға бағытталған заңның негізгі тұстарын, оның ішінде мектеп мұғалімдерінің оқу жүктемесі, ауылдық жерлердегі мектеп мұғалімдерінің баспана мәселесі мен жер телімдерін алуға мүмкіндіктері және басқа да көкейкесті мәселелерді тарқата баяндап өтті.

Кездесу барысында университет профессорлары Бақтыбек Таубаев, Қадыр Жүсіп, Роза Қаражігітова қазіргі білім беру, қазақ тілі мәртебесі, педагогтарды дайындау тақырыптарымен қатар облыстың экологиялық жағдайы, Жайық өзені мәселесі, ауыл шаруашылығын дамытудың жай-күйі жайына қатысты да сауалдарына депутаттар тарапынан толыққанды жауаптар берілді.

Кездесу барысында депутаттар барлық педагогтар пәрменді болып, көпшіліктен қолдау тауып, әр мұғалім ұлттың ұстазы болуға лайықты екендігін атап өтті.

Сөйтіп, мінбеден сөйлеген меймандар мұғалім мәртебесін қалайда биіктетуді сөз етіп тарқасты.


ПІКІРЛЕР

Тізімге қайта оралу

Білім беру бағдарламаларын талқылады

23 Янв 2020 18

2020 жылдың 22 қаңтарында i-Space коворкинг орталығында университетіміздің экономика және құқық факультетіндегі, экономика кафедрасының оқу бағдарламаларын талқылау өтті.

Мектепке дейінгі білім алушыларға арналған SUSDEV

22 Янв 2020 27

Бүгін, 22 қаңтар күні №24 «Бақытты балалық шақ» балабақшасында «мектепке дейінгі білімге  тұрақты даму элементтерін енгізу» атты семинар өтті.

ЕЛІМІЗДІҢ ЖОҒАРЫ ОҚУ ОРЫНДАРЫНДА 25%-ҒА АРТТЫРЫЛҒАН СТИПЕНДИЯ БЕРІЛЕ БАСТАДЫ

22 Янв 2020 21

ҚР Президенті Қ. Тоқаев Жастар жылының жабылу салтанатында 2020 жылдың қаңтарынан бастап жоғары оқу орындары мен колледж студенттерінің стипендиясы 25 пайызға көтерілетінін мәлімдеді. ҚР Білім және ғылым министрлігі жергілікті атқарушы органдармен бірлесе отырып, Мемлекет басшысының тапсырмасын орындау бойынша шаралар қабылдады.

Ермахан Ибраимов университетімізде қонақта

21 Янв 2020 91

Х.Досмұхамедов атындағы Атырау мемлекеттік университетінде бокстан Сидней олимпиадасының чемпионы, халықаралық дәрежедегі спорт шебері Ермахан Ибраимовпен кездесу өтті.

Спартакиада жеңімпаздары анықталды

17 Янв 2020 81

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.