«Жетістікке жету жолы»
Желтоқсан айының 9-ы күні Х.Досмұхамедов атындағы Атырау мемлекеттік университетінде стратегиялық, инновациялық және халықаралық даму департаментінің корпоративті оқу орталығы жас оқытушыларға арналған «Жетістікке жету жолы» тақырыбында тренинг ұйымдастырды.
Тренингті Психология және арнайы білім беру кафедрасының доценті, пс.ғ.к Ж.Н.Сабирова Стивен Ковидің «Жасампаз жандардың 7 дағдысы (Тұлғаны дамытудың тегеурінді тетіктері)» атты кітабын басшылыққа алып, позитивті ойлау дағдыларын қалыптастыру мақсатында өткізді.
Яғни, қатысушыларға дағды-әрекетті орындаудың қалыптасқан тәсілі. Адам жеке әрекеттерді орындау дағдысын меңгерсе, іс-әрекет мінсіз атқарылатынын, дағдының негізінде кең тарапты, ақылға салынған әрекет жататынын, іс-әрекетті игерудің бастапқы кезеңінде бұл әркеттер оның негізгі компоненті болатынын түсіндірді.
Аталмыш тренингке әр факультеттен жас оқытушылар және бөлімшелерден жас мамандар қатысты.
ПІКІРЛЕР