Парасаттылық мектебі ашылды
Бүгін Х.Досмұхамедов атындағы Атырау мемлекеттік университетінде Қазақстан Республикасы Сыбайлас жемқорлыққа қарсы іс-қимыл агенттігі Атырау облысы департаментінің тапсырмасымен «Педагогика» кафедра-лабораториясының ұйымдастыруымен «Парасаттылық мектебі» ашылды.
Шараға келген арнайы келіп, сөз алған қонақтар қатарында, Қазақстан Республикасы Сыбайлас жемқорлыққа қарсы іс-қимыл агенттігі Атырау облыстық департаменті басшысының орынбасары Тулешов Рафаэль Салешұлы, «Адалдық алаңы» жобалық кеңсесінің жетекшісі Адиева Альфия Даулетқалиқызы, Х.Досмұхамедов атындағы Атырау мемлекеттік университетінің әлеуметтік мәселелер және жастар саясаты жөніндегі проректоры Қойшығұлова Ләйлә Ерболатқызы, инновациялық білім беру факультетінің деканы Мұхамбетжанова Ақмарал Өтепбергенеқызы, «Педагогика» кафедра-лабораториясының меңгерушісі Джанзакова Шолпан Исағалиқызы болды.
Салтанаттың жиынның ашылуында лента қию құрметі Рафаэль Салешұлы, Ләйлә Ерболатқызы мен Шолпан Исағалиқызына берілді.
Жиын барысында қатысушыларға «Парасаттылық мектебінің» ашылуының негізгі мақсаты-жастар арасында адамгершілік қасиетті, адалдық пен мәдениеттілікті, ізгілік пен имандылықты, парасатты тұлғаның мінез-құлқының үлгісін қалыптастыру және жаңа формациядағы сыбайлас жемқорлыққа қарсы қозғалыстың адал да жас өкілдерін дайындау екені атап өтіліп, түсіндірілді.
Сонымен қатар, сыбайлас жемқорлыққа қарсы мәдениетті, сыни ойлауды, белсенді азаматтықты қалыптастырудың негіздерін үйрететін мектептің жас буын өкілдерінің атынан Уалиева Жансая Жәнібекқызы, сөз алып, өз ойын білдірді.
Жиын соңы «Адалдық алаңы» жобалық кеңсесінің жетекішісі, университетіміздің магистранты Адиева Альфия Даулетқалиқызының «Қоғамда парасаттылықты қалыптастыруда Адалдық алаңының атқаратын рөлі» тақырыбындағы дәріс сағатымен жалғасты.
ПІКІРЛЕР