«Тәуелсіздік және рухани жаңғыру»

Бүгін 16 желтоқсан Тәуелсіздік күніне орай  гуманитарлық ғылымдар және өнер факультетінің, әлеуметтік-гуманитарлық пәндер кафедрасының аға-оқытушысы Ертелеева Роза Бекесовнаның ұйымдастыруымен «Тәуелсіздік және рухани жаңғыру» тақырыбында шара өтті.

Шара инновациялық білім беру факультетінің 2 курс студенттерінің қатысуымен өтті.

Шара барысында Алматы қаласында 1986 жылы 16-17 желтоқсанда орын алған оқиғалар туралы видеоролик көрсетіліп, 1991 жылдан бастап бүгінгі күнге дейінгі саяси, экономикалық, мәдени саласындағы жеткен жетістіктер туралы «Жылдар сөйлейді» тақырыбымен слайдтар көрсетіліп, айтылды.

Тәуелсіздік-зор бақыт. Мысалы, БАҚ мәліметтеріне сүйенсек, әлемдегі 7 мыңдай тілдің ішінде мемлекет болуға жаралған 200 этнос бар. Біздің қазақ ұлты тәуелсіздіктің бақытына ие болған халықтың қатарынан орын алды. Сондықтан да ұлттық идеологияның басым ұстанымы- тәуелсіздікті насихаттау, ұлттық рухымызды, қайтпас намысымызды ұлықтау.

Биыл Қазақстанның тәуесіздігіне 28 жыл, осы уақыт ішінде Қазақстан үлкен саяси арнада өз мәртебесін мойындатты, оның ішінде «EXPO-2017» көрмесін өткізіп, әлемдік шиеленіс нүктесі Сирия мәселесінің түйінін шешуде маңызды «саяси ойыншыға» айналды.

Шара соңында студенттерге Тәуелсіздік жариялаумен ел рухани көтеріліп, ұлттың намысы алаулай жанғаны, Еліміз жаңа тарихи кезеңге аяқ басқаны туралы түсіндірілді.

 

 

ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Ноя 2020 28