SWAPTEL ашық есік күні
2019 жылдың 5 желтоқсанында Х.Досмұхамедов атындағы Атырау мемлекеттік университетінде SWAPTEL зертханасының ашық есік күні өтті.
SWAPTEL (Soil, Water and Plant Testing Laboratory) –Атырау облысының «Ғылыми бастамаларды қолдау орталығы» қоғамдық қоры арқылы «Теңізшевройл» ЖШС-нің әлеуметтік инвестициялық бағдарламасы аясында құрылған және қаржыландырылатын Х.Досмұхамедов атындағы Атырау мемлекеттік университетінің базасындағы топырақ, су және өсімдіктерді зерттеу зертханасы.
Зертхананың қызметі Атырау облысының экологиялық және экономикалық дамуына бағытталған білім беру және ғылыми жобаларды аналитикалық қолдауға (топырақ, су және өсімдіктерге сапалы ғылыми талдау жасау) бағытталған.
Зертханамен танысу үшін аумақтық агроөнеркәсіптік кешендегі мемлекеттік инспекция комитетінің аймақтық инспекциясы басшысының орынбасары Р.Шугаепов, инспекция бөлімінің бастығы М.Шахметов, Атырау облыстық ауылшаруашылық департаментінің бөлім бастығы М.Ахадиев, бас маман Арыстанбаев Б., Атырау облысы фермерлер кеңесінің төрағасы Сарманов М., кәсіпкер Розметов В., Атырау облысындағы шаруа қожалықтарының жетекшілері Досжанова К., Сарсекенов С., Жумагалиев Ө, Кемелбай Ә., Кабиев С., Жексенғалиев З., Сагиев К., Корғанбаев С. және басқалар шақырылды..
Зертхана қызметкерлері қонақтарды көрсетілетін қызмет түрлерімен таныстырып, заманауи қондырғыларда химиялық (анализ) талдау жүргізу барысын көрсетті.
Естеріңізге сала кетейік, SWAPTEL - бұл алдыңғы қатарлы жабдықтары бар жан-жақты көп функционалды зертхана. Зертхана Атырау мемлекеттік университетін ЭКОКАМПУС - «жасыл кампусқа» айналдыру жобасының негізгі бөлігі.
Зертхана туралы толық ақпаратты мына сілтемеден табуыңызға болады. https://asu.edu.kz/ru/science/irlc/lab/3798/
ПІКІРЛЕР