Дзюдодан ашық турнир өтті
Х.Досмұхамедов атындағы Атырау мемлекеттік университетінде дзюдодан республикалық турнир өтті.
Ашық жарыс болғандықтан еліміздің әр аймағынан бөлек Азербайджан, Дагистан, Өзбекстан мемлекеттерінен да балуандар келді.
Жалпы саны 250 дзюдошы қатысқан турнир, Қазақстанға еңбек сіңірген жаттықтырушы, қазақ күресінің тарихында есімі алтын әріппен жазылған Марат Сәуенұлының мерейлі 60 жасқа толу құрметіне арналды.
Ашық турнирге арнайы келген қонақтар қатарында, Атырау дзюдо федерациясының президенті Нұрлыбек Ожаев, Астана қаласынан келген Марат Сәуенұлының шәкірті, Халықаралық дәрежедегі спорт шебері Арсен Хатип,Х.Досмұхамедов атындағы Атырау мемлекеттік университетінің ғылым жөніндегі проректоры Идрисов Саламат Нұрмұханұлы болды.
Естеріңізге сала кетейік, Республикалық турнир 2000-2002 ж.т. жастар және 2003-2005ж.т. жасөспірімдер арасында өтті.
ПІКІРЛЕР