Спартакиада жеңімпаздары анықталды
Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасында ұйымдастырылыған факультетаралық спартакиада өз мәресіне жетті.
Спартакиаданың негізгі мақсаты – студент жастар арасында салауатты өмір салтын кеңінен насихаттап, бұқаралық спортты одан әрі дамытып, аталған жарыстың жеңімпаздары мен жүлдегерлерін анықтап, университет құрама командасына ойыншыларды іріктеу болды.
Дене тәрбиесі кафедрасының ұйымдастыруымен өткен спартакиада студенттер спорттың 8 түрінен, атап айтсақ кіші аяқ добы (ұлдар), гандбол (қыздар), волейбол (ұлдар, қыздар), баскетбол (ұлдар, қыздар), үстел теннисі, шахмат, тоғызқұмалақ, арқан тарту, армрестлингтен бақтарын сынап, жарысқа түскен болатын.
Студенттер арасында өткен спартакиаданың қорытынды есебімен жүлделі I ші орынды инновациялық білім беру факультеті, II ші орынды Физика, математика және ақпараттық технологиялар факультеті, III ші орынды гуманитарлық ғылымдар және өнер факультеті иеленді. Ал, жылпы есеппен IV орынға жаратылыстану және ауылшаруашылық ғылымдар факультеті, V орынға экономика және құқық факультеті, VI орынға көптілді білім беру факультеті ие болды.
Ойынға қатысушылар арасынан үздіктері де анықталып марапатқа ие болды.
ПІКІРЛЕР