Тұңғыш Президент күні аталып өтті

Х.Досмұхамедов атындағы Атырау мемлекеттік университетінің «Әлеуметтік – гуманитарлық пәндер» кафедрасының оқытушы – профессорлар құрамының ұйымдастыруымен бүгін «Тұңғыш Президент күніне» орай «Жаратылыстану» факультеті мамандықтарының Химия-Биология 25, Биология 23 топ студенттері қатысуымен «Рухани жаңғыру» бағдарламасы аясында мерекелік шара өтті.

Шарада әр студент тұңғыш президент Елбасымыз Н.Ә.Назарбаевтың өмір жолын, оның тәуелсіз Қазақстан және оның халқы үшін атқарған қызметтері жайлы баяндама жасады.

Студенттер Елбасының Қазақстан үшін атқарған қызметтерін, жетістіктерін өзара талқылап, әлемдік саяси аренада Н.Ә.Назарбаевтың өзіндік орны бар саяси тұлға екендігіне де тоқталып өтті. Шара басы ҚР Гимнімен басталып, Қалқаман Сариннің "Еркіндігім" атты өлең шумақтарымен өз мәресіне жетті. Сонымен қатар, Елбасымыздың "Рухани жаңғыру: Болашаққа бағдар" бағдарламасының аясында қолға алынған "100 жаңа оқулық" бойынша презентация қорғалды. Оның тақырыбы "Джордж Ритцер мен Джеффри Степницкидің "Әлеуметтану теорисы" кітабына жалпы шолу" болды. Биология мамандығының студенттері Сәтібек Айкөркем, Хадимова Арайлым, Нығметова Айгерім презентация барысында оқулықтағы студенттер мен оқушыларға қажетті ақпараттар туралы айта келіп, таптырмас әдебиет көзі екендігін сөз етті.

Шара соңында сөз алған «Әлеуметтік – гуманитарлық пәндер» кафедрасының меңгерушісі философия ғылымдарының. кандидаты С.Б.Аймұратов «Жаратылыстану» факультеті студенттерінің Елбасымыз Н.Ә.Назарбаевтың тәуелсіздік алған жылдардан бастап қазақ халқы үшін ерінбей тер төгіп, еліміздің экономикасы мен саяси тұрақтылығы үшін атқарған қызметтері мен жетістіктеріне жан-жақты дайындаған баяндамаларының өзекті екендігіне тоқтала келіп, өз ризашылығын білдірді.

ПІКІРЛЕР

Тізімге қайта оралу

Құттықтаймыз!

5 Мар 2021 49