«Көптілді қоғамдағы мәдениетаралық коммуникация мәселелері»
Х.Досмұхамедов атындағы Атырау мемлекеттік университетінде, орыс филологиясы кафедрасының ұйымдастыруымен, ЖОО-ның 70 жылдығына арналған «Көптілді қоғамдағы мәдениетаралық коммуникация мәселелері» тақырыбында магистранттар, студенттер мен оқушылардың Аймақтық ғылыми-тәжірибелік конференциясы өтті.
. Конференция қатысушыларына ғылыми жұмыс жөніндегі проректор С.Н.Идрисов, Көптілді білім беру факультетінің деканы А.А.Султангубиева және студенттік өзін-өзі басқару деканы М.Орынбаева құттықтау сөз сөйледі.
Конференцияға Атырау, Орал, Ақтөбе және Ақтау қалаларынан келген магистранттар, студенттер және колледж, НЗМ, мектеп-гимназия оқушылары қатысты.
Конференцияның басты мақсаты жастарды ғылыми-зерттеу жұмыстарына, қазіргі кезеңдегі көптілді қоғамның өзекті мәселелеріне тарту болып табылады.
Конференция жұмысы үш бағыт бойынша жүргізілді:
1. Көптілді қоғамдағы тіл, әдебиет және мәдениет.
2. Шетел тілдері мәдениетаралық коммуникация құралы ретінде.
3. Мәдениетаралық коммуникацияны дамытудағы БАҚ рөлі.
Конференцияда үштілділікке бағытталған Қазақстан Республикасының тіл саясатының ерекшеліктері қарастырылды. Баяндамашылар әлемдегі көптілділіктің таралуы-экономикадағы, саясаттағы, мәдениет пен білім берудегі түбегейлі өзгерістерге негізделген заңды процесс екенін айтты. Тіл дайындығы – болашақ бәсекеге қабілетті маманның кәсіби қалыптасуының кілті екені атап өтілді. Табысты болу үшін қазіргі заманғы адам кәсіби деңгейде бірнеше тілді меңгеруі керек. Конференцияға қатысушылар өз мақалаларында бүгінгі жас адам көптілді және көпмәдениетті болуы тиіс, сонымен қатар мәдени дәстүрлерді, туған халқының мәдени кодын сақтау басымдыққа ие болуы тиіс деген пікір білдірді.
Орыс, қазақ, ағылшын тілдерінде жазылған баяндамалар үлкен қызығушылықпен тыңдалды.
Қатысушылар дербес ғылыми зерттеулердің жоғары деңгейін көрсетті.
Пікірталас барысында Қазақстандағы және әлемдегі көптілділік жағдайы қарастырылды.
Конференцияның барлық қатысушылары сертификат алды.
Орыс филологиясы кафедрасы
ПІКІРЛЕР