ТІЛ БІЛГІРЛЕРІНІҢ ОЛИМИАДАСЫ ӨТТІ
28 қараша күні профессор Қ.Шаукеновтің 90 жылдық мерейтойына орай, қазақ тілі және әдебиеті кафедрасының ұйымдастыруымен «5В020500- филология», «5В011700-қазақ тілі мен әдебиеті» мамандықтарының 1-4 курс студенттерінің арасында университетішілік пәндік олимпиада өтті.
Олимпиадаға жалпы саны 7 команда қатысып, терең де жан-жақты білімдерін көрсетті. Қатысушылардың білімін бағалауда ф.ғ.д., профессор Қ.Ө.Жүсіп, ф.ғ.к. Г.Н.Сабирова, аға оқытушы Ж.М.Қрықбаева төрелік етті. Байқау 3-кезеңнен тұрды. Ең алғашқы айналымда қатысушылар өз топтарын таныстырудың озық үлгілерін көрсетсе, екінші кезеңде берілген теориялық, әдістемелік, сондай-ақ ұсынылған мәтінге тілдік және әдеби-теориялық талдаулар жасады. Соңғы айналымда әрбір топқа арнайы түрде ғылыми жоба мен панорамалық сабақтарды шектеулі уақыт көлемінде талдап, қазылар алқасына ұсыну тапсырылды.
Сайыс нәтижесі бойынша, қазақ тілі мен әдебиеті мамандықтарынының 4-курс студенттерінен құралған «ASU» командасы ІІІ дәрежелі дипломмен, филология және қазақ тілі мен әдебиеті мамандығының 1-курс студенттерінен құралған «Ұшқын» және «Эврика» топтары ІІ дәрежелі дипломмен, филология мамандығының 4-курс студенттерінен құралған «Пирамида» тобы мен қазақ тілі мен әдебиеті мамандығының 1-курс студенттерінен құралған «Құлабыз» тобы жүлделі І дәрежелі дипломмен марапатталды. Сәуір айында өтетін республикалық кезеңге жолдамаға алған студенттерге сәттілік тілейміз.
Қазақ тілі және әдебиеті кафедрасы
ПІКІРЛЕР