Бақытгүл Хаменова: Келешегімізді болжап, жүрер жолдан жаңылыспайтынымыз анық

Бақытгүл Хаменова: Келешегімізді болжап, жүрер жолдан жаңылыспайтынымыз анық

1 желтоқсан - Қазақстан Республикасының Тұңғыш Президент күніне орай   бүгін университетімізде«Қазіргі Қазақстан. Елбасының көшбасшылық сабақтары» ашық дәрістері өтуде. Осыған орай бүгін ҚР Парламенті Мәжілісінің депутаты, саясаттану ғылымдарының докторы, университетіміздің түлегі Хаменова Бақытгүл Қайыржанқызы қонақта болып, ашық дәріс өткізді.

Жиынды ашқан Х.Досмұхамедов атындағы Атырау мемлекеттік университетінің ғылым жөніндегі проректоры С.Н.Идрисов  тәуелсіз мемлекет  Қазақстан Республикасының қалыптасуы мен дамуындағы Ұлт Көшбасшысы рөлінің маңызын түсіндіре кетті:

-                    Осы мереке - Қазақстан Республикасының Тұңғыш Президенті күні  орай  еліміздің барлық білім беру ұйымдарында «Қазіргі Қазақстан. Елбасының көшбасшылығының сабақтары» жалпы республикалық ашық сабақтар өткізу жоспарланған. Осыған орай, 70 жылдық тарихы бар қара шаңырағымыз аталған іс-шараның  маңыздылығын ескере отырып, оқу орнымыздың білім алушыларына дәріс оқуға лектор ретінде еліміздің белгілі қайраткерлері, Парламент, маслихат депутаттарын  шақыра отырып, ашық лекция өткізуде,- деп сөз кезегін  Бақытгүл Қайыржанқызына жолдады.

ҚР Парламенті Мәжілісінің депутаты, Хаменова Бақытгүл Қайыржанқызы:

    

-Күлтегін бабамыздың «Халқына-бегі, бегіне халқы сенген ел ұзақ жасайды» дегеніндей, тәуелсіздікті басты мұраты еткен халқымыздың 30 жылға жуық тарихын Елбасынсыз елестету мүмкін емес.

Бүгінгі әлемдік қауымдастық Қазақстанды бейбітшілік салтанат құрған, береке-бірлікті ту еткен Ел ретінде таниды. Ұстанған саясатымен санасады. Бастамаларын қолдайды. Дүниежүзі елдерінің тарихына қарайтын болсақ, тәуелсіздігін жариялаған жас мемлекеттер ширек ғасыр ішінде мұндай дәрежеге жете алғаны бар ма? Ал, осындай дәрежеге аз уақыттың ішінде қол жеткізу біздің еліміз үшін, сындарлы сәтте Ел тағдырын қолына алған Елбасымызға оңайға соқпағаны ақиқат. Барша елдің, халықтың Тұңғыш Президенті болу-нардың белі қайысар жүгін арқалаумен пара-пар.

Нұрсұлтан Назарбаевтың сарабдал саясаты мен даралығын бағалау Қазақстан халқының еншісінде.

Ал, халықтың даналығы өз ұлтын дүние жүзіне таныта білген перзентін құрметтеуінде жатыр,- деді.

Жиынға қатысқан университетіміздің ардагер ұстаздары ақын, филология ғылымдарының докторы, профессор Жүсіп Қадыр Өтегенұлы және қазақ тілі мен әдебиеті кафедрасының профессоры, ұстаз Айсұлу Тәжіғалиқызы Бақытгүл Қайыржанқызы секілді шәкіртінің жетістіктерін жастарға үлгі етті.

Қатысушылар дәрісті үлкен қызығушылықпен тыңдап, дәріс аяғында өздерін қызықтырған сұрақтар қойып, тұшымды жауап алды.

Шараға университеттің профессор-оқытушылар құрамы, студенттер және магистранттар қатысты.

 




ПІКІРЛЕР

Тізімге қайта оралу

«Болашағым өз қолымда!»

6 Дек 2019 10

Университетімізде «Болашағым өз қолымда!» тақырыбында жетім балалардың болашақта армандайтын мамандықтары бойынша бір күндік экскурсия өтті.

Спартакиада жеңімпаздары анықталды

5 Дек 2019 30

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасында ұйымдастырылыған факультетаралық спартакиада өз мәресіне жетті.

Мен көшбасшымын!

4 Дек 2019 17

Осындай тақырыппен Нұр-Сұлтан қаласында интеллектуалды ойындар өтті.
Аталмыш сайыста университетіміздің қаржы және есеп кафедрасы студенттерінен құралған команда жүлделі II орынға ие болды.

Бас жүлде - Жәнияда!

3 Дек 2019 18

Қазақстан Республикасының Сыбайлас жемқорлыққа қарсы іс-қимыл агенттігінің Атырау облысы бойынша департаментімен ұйымдастырылған "Ақынның қаламы-адалдық алаңы" атты жас ақындар мүшәйрасында қазақ тілі және әдебиеті мамандығының 2 курс (3жылдық) студенті Хайролла Жәния бас жүлдені жеңіп алды.

Әбілмансұр "Үздік жас спортшы" атанды

3 Дек 2019 23

Дене шынықтыру және спорт мамандығының ІІ курс студенті, каратэ-додан әлем чемпионы, университетіміздің мақтанышы Батырғали Әбілмансұр "Үздік жас спортшы" атанды.