"Нұрсұлтан" білім беру орталығының курсы өтті
Х.Досмұхамедов атындағы Атырау мемлекеттік университетінде 27-29 қараша аралығанда республикалық «Нұрсұлтан» білім беру орталығының ұйымдастыруымен «Жаңартылған білім беру аясында ЖОО оқытушыларына инновациялық технологияларды оқып үйрену нәтижесінде жаңа педагогикалық технологиялардың әдіс-тәсілдерін оқу-тәрбие процесінде қолдану дағдыларымен, шеберліктерін қалыптастыру» тақырыбы аясында үш күндік білім жетілдіру курсы өтті.
Аталмыш тәжірбие сабақтарын республикалық «Нұрсұлан» білім беру орталығының директоры Бейсенова.Г.Т жүргізіп, өзінің осы уақытқа дейінгі тәжірбиелерімен бөлісті.
Курстың бірінші күні қатысушыларға білім беру жүйесінде маңызды болып табылатын мәселелердің бірі жаңа технологиялырады пайдалану, ақпараттық технология және педагогикалық технологиялар туралы, модульдік оқыту технологиялары, оқыту үдерісінің студент жеке тұлғасына қатысты бейімделу принципінің ұсталуы, студенттің жалпы ғылымдық және арнаулы білімдерді қысқаша түрде базалық білімдер берілген пәннің «логикалық конструкциясын» жобалау арқылы жеке игеруін жылдамдату принциптері туралы айтылып, түсіндірілді. Екінші күні, жаңартылған білім мазмұны бойынша инновациялық технологияларды оқып үйрену нәтижесінде жаңа педагогикалық технологиялардың әдіс-тәсілдерін оқу-тәрбие процесінде қолдану дағдылармен, шеберліктерін қалыптастырып, жаңа технологиялардағы әдіс-тәсілдерді меңгертудегі оқытушының рөлін түсіндіріп, проблемалық оқыту:оқытудың әдіс-тәсілдерді қолдана отырып білімді шығармашылық тұрғыдан меңгертуге жүйелеуін түсіндіру, инновациялық технологияларды оқып-үйрену нәтижесінде студенттерге жаңа технологияларды меңгерту жолдары көрсетілді. Ал, үшінші күні «рухани жаңғыру» бағдарламасы аясында сана арқылы оқытып, қатысушыларға арналған арнайы жаңартылған білім мазмұны бойынша кіріктірілген сабақтары бойынша шеберлік сағаттары ұйымдастырылды.
Айта кетейік, курсқа университетімізден 25 оқытушы қатысып, тәжібиелерімен бөлісті.
Курс соңында қатысушылардың алған білімдері мен тәжірбиелерін растайтын арнайы республикалық «Нұрсұлтан» білім беру орталығының сертификаты табысталды.
ПІКІРЛЕР