Әскери кафедра түлектері лейтенант атағын алды

Бүгін университетімізде Әскери кафедра түлектеріне лейтенант атағын салтанатты түрде табыстау рәсімі өтті. 1 желтоқсан тұңғыш президент күніне тұспа-тұс келіп тұрған аталмыш шара Атырау облысы бойынша алғашқы рет ұйымдастырылып отыр.

Айта кетейік, Х.Досмұхамедов атындағы Атырау мемлекеттік университетінің Әскери кафедрасы Қазақстан Руспубликасы Үкіметінің 2016 жылғы 10 маусымдағы №344 қаулысы негізінде құрылды. Қазақстан Республикасы Қорғаныс министрлігі Қарулы күштерінің Бас штаб бастығының 2016 жылдың 14 шілдесіндегі №0179 бұйрығымен Бердыгалиев Куандык Амангельдиевич әскери кафедра бастығы болып тағайындалған болатын.

Әскери кафедра қысқа уақыт аралығында білікті кадр жасақтап, алғашқы 100 студентті қабылдады.

Әскери кафедраның негізгі мақсаты- Қазақстан Республикасы Қарулы Күштерінің, басқа да әскерлері мен әскери құрылымдарының запастағы офицерлерін даярлау.

2018 жылы кафедраны алғашқы болып 6 үшжылдық студент аяқтап, оларға лейтенант атағы беріліп, қазір Құқық қорғау органдарында қызмет етуде.

Салтанатты жиынның алғы сөзі Х.Досмұхамедов атындағы Атырау мемлекеттік университетінің ғылым жөніндегі проректоры Идрисов Саламат Нұрмұханұлына және Әскер кафедра негізін салушы, полковник Бердигалиев Куандык Амангельдиевичке берілді.

Әскери кафедра түлектеріне «Запастағы лейтенант» әскери атағын полковник Бердыгалиев Куандык Амангельдиевич, 1-дәрежелі капитан Мейрамов Марат Ергалиевич, Атырау облысы Қорғаныс істері жөніндегі департаментінің подполковник Буркиталин Аслан Изтлеуович және Әскери кафедра бастығы, запастағы әділет подполковнигі Абсаматов Серік Акирович табыстады.

Жиын барысында Әскери кафедра бастығы, запастағы әділет подполковнигі Абсаматов Серік Акирович алғашқы түлектерді құттықтап, сәт-сапар тіледі.

Ал, Әскери кафедра түлектері атынан Зинеденов Еркебұлан мен Силықова Әйгерім ұстаздарына ризашылық тілектерін білдірді.

Студенттер салтанатты жиын соңында түлектерімізді лейтенант атағымен құттықтап, концерттік бағдарлама ұйымдастырып, көтеріңкі көңіл-күй сыйлады.

ПІКІРЛЕР

Тізімге қайта оралу

ҚҰТТЫҚТАЙМЫЗ!

30 Окт 2020 10

«ONLINE SUHBAT» өтті

30 Окт 2020 14