Жас баянистер бақ сынасты
Қазақ руханиятында өзіндік қолтаңбасын қалыптастырған профессор Рысбай Ғабдиевке арналған жас баянистер конкурсы өтті. Жас баянистердің байқауын Музыка және өнер кафедрасы университетіміздің 70 жылдығы қарсаңына орай ұйымдастырып отыр.
Жеребе суырған жас жеткіншектер рет-ретімен сахна төрінен табылып, баянды бабына келтіріп ойнап берді. Жас өнерпаздарға төрелік еткендер баянды ойнау шеберлігімен ептілігіне қарай бағалады. Шара соңында жеңімпаздар арнайы сыйлықтармен марапатталды. Сайыс үлкен топ және орта топ бойынша өткізілді. Үлкен топ бойынша жүлделі І орынды Қайыршақты балалар саз мектебінің оқушысы Айдынғали Толқын, ІІ орынды да осы саз мектебінің оқушысы Жаңабай Бекзат жеңіп алса, ал ІІІ орынды Құбайдолла Дияр иеленді.
Орта топ бойынша І орынды мен Н.Тлендиев атындағы облыстық Кіші өнер академиясының оқушысы Амиргалиев Нұрдаулет жеңіп алса, ІІ орынды Қайыршақты балалар саз мектебінің оқушысы Хамитов Дәулет пен Құрманғазы атындағы балалар саз мектебінің оқушысы Жеңіс Алмасқа бұйырды. ІІІ орынды Қайыршақты балалар саз мектебінің оқушылары Әсетқызы Махаббат, Аманкелді Надежда және Сапар Гүлназ қанжығасына байлады.
ПІКІРЛЕР