27.11.2019 919

Х.Досмұхамедов атындағы Атырау мемлекеттік университетінде Жастар саясаты департаментінің ұсынуымен университетіміздің 70 жылдық мерейтойына арналған "70 жылдыққа 70 кітап"  акциясы басталды.

 Акцияның мақсаты- студенттерге рухани демалыс сыйлау, білім көкжиегін кеңейту, бойларына ұлттық құндылықтарды дарыту, ой-өрістерін дамыту.  Бүгінгі күннің басты мақсаты рухани жаңғыру болса, рухани жаңғырудың негізгі көзі кітап. Кітап оқу - адамға өзіндік әсер етіп,оның адам болып қалыптасуында маңызды рөл атқарады, кітап оқу  - қоғам дамуының  басымды міндеттерінің бірі. Кітап адамзаттың баға жетпес  құндылығы болғандықтан, сыйға тартқан кітаптар біздің оқырмандар үшін мәңгілік рухани  қазына болып қалады. Акция Ә.Нұршайықовтың "Махаббат, қызық мол жылдар" романын талдаумен басталды. Студенттер шығармаға қатысты өздерінің ой-пікірімен, идеяларымен бөлісті. Акцияның келесі ісшарасында жазушы Т.Әбдіковтың "Оң қол" атты психологиялық шығармасын талдайтын боламыз. 
Құрметті кітап сүйер қауым! Сіздерді де акцияға қатысуға шақырамыз!Мұндағы көздегеніміз -  кітап оқуға деген құштарлық оянса деген ниет қой...

Тізімге қайта оралу