Шетелдік профессордың семинары

Х.Досмұхамедов атындағы Атырау мемлекеттік университетіне Түркия елінің Акдениз университетінен «Социология» пәнінен студенттерге  дәріс оқуға социология ғылымының докторы, профессор Суат Колукырык келді.

Суат Колукырык университетте 2019 жылы қарашаның 04-30 аралығында Шетел тілі:екі шетел тілі мамандығының 2 курс студенттеріне ағылшын тілінде социология пәнінен лекция және семинар өткізуде. Оқытушылар мен магистранттарға арналған мастер-класс жүргізуде. Профессор Суат Колукырык цыган, абдал, тебер, алевит, тахтачилар, курд, балкан түркі, ахий туркі, босқындар, регионалды даму политикасы және урбанизации туралы көптеген ғылыми мақалаларын «Journal of Muslim Minority Affairs», «Middle Eastern Studies», «Journal of World of Turks» и «Bilig» журналдарында жарыққа шығарған.

Профессор, доктор Суат Колукырык, Акдениз университетінің Бизнесті басқару факультетінің негізін қалаушы, Анталия әкімдігі жанындағы Адам құқықтары жөніндегі кеңестің мүшесі, Ақдениз университетінің ғылыми этика комитетінің мүшесі және кейбір мекемелер мен ұйымдардың мониторинг және бағалау комитетінің мүшесі. 2018 жылдың сәуір айынан бастап 2019 жылдың сәуір айына дейін ол Анталиядағы Түркия Жинақтаушы Сақтандыру Қорының директорлар кеңесінің мүшесі қызметін атқарған. Суат Колукырык Түркиядағы Саяси және стратегиялық зерттеулер қорының негізін қалаушылардың бірі. Ол жергілікті және жаһандық құндылықтарды ескере және жаһандық әлемге назар аудара отырып, Анатолии мен Анатолиге қатысты географиядағы адами зерттеулерге қатысуға тырысады.

ПІКІРЛЕР

Тізімге қайта оралу

ҚҰТТЫҚТАЙМЫЗ!

26 Окт 2020 31

ҚҰТТЫҚТАЙМЫЗ!

23 Окт 2020 54