«ЦИФРЛЫ ҚАЗАҚСТАН – ЖАҢҒЫРУ ДАҢҒЫЛЫ»
2019 жылдың 15 қараша күні информатика кафедрасының магистр, оқытушысы А.Б.Бекетованың ұйымдастыруымен «Информатика» мамандығының 1-ші және 3-ші курсстуденттерінің қатысуымен рухани жаңғыру аясында «Цифрлы Қазақстан – жаңғыру даңғылы» атты тақырыпта кураторлық сағат өткізілді.
Цифрландырудың мақсаты – адам өмірін жеңілдету. Әсіресе, табысты бастауға барлық жағдай бар дейтін жастар арасында «Цифрлы Қазақстан» кең қолдауға ие болуда. Соған орай ел жастарының белсенділігі одан әрі артып, қоғамдағы өзекті мәселелерге қатысты өз пікірлерін еркін білдіруде.
Дөңгелек үстел барысында студенттер «Цифрлы Қазақстан», «Білім. Ғылым. Инновация», «Рухани жаңғыру», IT, медиа саласы тақырыптарында өз ойларымен бөлісіп, цифрландыруға қатысты түрлі ойларын ортаға салып талқыланды.
Халықтың цифрлық сауаттылығын арттыру да басты міндет, ол 85 пайызға дейін жеткізу, сондықтан бұл орайда студенттердің жеке пікірлері тыңдалып, қандай жағдайда осы деңгейге жете аламыз деген сұрақтар қарастырылды. Мемлекет қабылдаған «Цифрлы Қазақстан» бағдарламасын жүзеге асыруда цифрландырудың 4 бағыты қарастырылған. Біріншібағыт – ауыл аймақты кең жолақты интернетпен қамтамасыз етіп, Қазақстанның транзиттік әлеуетін арттыру. Екінші бағыт – экономиканың салаларына (көлік және логистика, денсаулық сақтау, білім беру, ауыл шаруашылығы және электронды сауда) цифрлы технологияны ендіру. Үшінші бағыты – мемлекеттік органдар жұмысының сапасын арттыру, ал төртінші бағыт – IT-мамандарды даярлау, яғни қазіргі заманның негізгі сұранысы, жаңғырудың жаңа белесі.
«Цифрландыру» – бәсекеге қабілетті экономика қалыптастырады. «Цифрлы Қазақстан» бағдарламасының 4 бағытындағы міндеттерді нақты жүзеге асырсақ, Қазақстан озық отыздыққа енуге мол мүмкіндік алады. Сонымен қатар, ел ішіндегі өндірісті жаһандық жаңғырту және цифрландыру шеңберінде тоғыстыру керек. Сонда ғана Қазақстан экономикасы дамыған әлемелдерінің көшіне ілесіп, ақпараттық саланың тың жетістігін тұтынады.
ПІКІРЛЕР