Жаңашыл оқытушы
Х.Досмұхамедов атындағы Атырау мемлекеттік университеті «Бейнелеу өнер және дизайн» кафедрасының аға оқытушысы, магистр Эльмира Жұмабаева әрқашан ізденгіштігімен, жаңа форматтағы сабақтар өткізуімен студенттер алдында беделге ие болған ұстаз.
Атап айтқанда, университеттің «Көркем еңбек», «Дизайн» мамандықтарының студенттеріне «Әлемдік бейлелеу өнері тарихы», «Көркемсуреттегі шығармашылық көзқарастар» тақырыптарында Ш.Сариев атындағы Атырау облыстық Көркемсурет музейі базасында жаңа инновациялық сабақтар өткізуді өз тәжірибесінде іске асыруда. Өз сабақтарында дискуссия, теорияларды талдау әдістерін тиімді қолданады.
Үнемі шығармашылық ізденісте жүретін әріптесіміз 19 қарашада дизайн мамандығы студенттеріне «Эволюция импрессионизма: факты, мифы, корифеи и скандалы» тақырыбында жаңа форматтағы сабақ өткізді.
Бір атап өтерлігі, «Болашақ» бағдарламасының түлегі ретінде Эльмираның жетістіктері «Болашақтықтар тарихы» кітабына алынған болатын. Сондай-ақ Қазақстан Суретшілер одағының мүшесі және танымал суретші ретінде жуырда «Рухани жаңғыру» бағдарламасы аясында Алматы қаласы «Арыс» баспасынан жарық көрген Қазақстанның батыс өңірінің өнер жолындағы қыз-келіншектеріне арналған «Үш қиян ұзатқан қыз өмір» кітабына да енген еді.
ПІКІРЛЕР