Ирак Қасымұлымен кездесу өтті
Бүгін Х.Досмұхамедов атындағы Атырау мемлекеттік университетінде қара шаңырағымыздың 70 жылдығына орай «70 жылдыққа -70 тұлғамен кездесу» аясында ҚР Еңбек сіңірген заңгері, «Құрмет» орденінің иегері Елекеев Ирак Қасымұлымен кездесу өтті. Кездесуге университетіміздің профессор-оқытушылары мен құқықтану мамандығында білім алушы студенттер қатысты.
Кездесуді Х.Досмұхамедов атындағы Атырау мемлекеттік университетінің ғылым жөніндегі проректоры Идрисов Саламат Нұрмұханұлы жүргізді.
- Ирак Қасымұлы сот органдарында еңбек еткен және соңғы жылдары «Хабар» агенттігінде бірнеше жыл тележүргізуші болған. Сондай-ақ отандық және шетелдік бұқаралық ақпарат құралдарына үнемі мақалаларын жариялаған көрнекті публицист. Өткен жылы облысымызда «Көзқарас» атты жаңа кітабының тұсаукесері, «Заңғар тұлға» атты шығармашылық кеші өткен болатын. Атырау жұртшылығы Ирак Қасымұлын ерекше құрметтейді. Ендеше, бүгінгі кездесудің біздің студенттеріміз үшін маңызы зор,- деген Саламат Нұрмұханұлы сөз кезегін Ирак ағамызға жолдады.
Ирак Қасымұлы жиын барысында қоғамдағы өзекті мәселелерді қозғап, осы тұрғыда заң қызметкерлерінің халыққа жақын болуы керектігіне баса назар аударды. Жастарға «мен кіммін?!» деген сұрақ қою арқылы өзінің іс-әрекетіне жауап беруі керектігіне тоқталды. Айта кету керек, қоғам қайраткері қазіргі таңда қоршаған ортаны қалпына келтіру мен экологиялық проблемаларға баса мән беріп жүр.
Ирак Қасымұлы сөз барысында өзінің қоғам және мемлекеттік ірі қайраткер тұлға, заңгер ғалым, ҚР Тұңғыш Президентінің мемлекеттік бейбітшілік және рухани келісім сыйлығының иегері - Салық Зиманұлының шәкірті екенін де айта кетті.
Сонымен қатар, қазіргі таңда өзекті болып отырған экология мәселесі және сыбайлас жемқорлыққа қарсы күресті күшейту керектігін айтты.
Соңғы кезде елімізде орын алып жатқан заң мәселесіне қатысты өзгерістер мен толықтыруларға да кеңінен тоқталып, пікірін білдірді.
Жиынға университтетің профессор-оқытушыларымен студенттері сұрақтарына жауап алып, еркін түрде пікір алмасты.
ПІКІРЛЕР