«Әділеттілік –заң қағидалары» тақырыбында дөңгелек үстел ұйымдастырылды

14-ші қараша күні №4 оқу корпусында орналасқан «Экономика және құқық» факультетінің оқу залында, Азаматтық құқықтық пәндер кафедрасының оқытушылары және 2 курс студенттері арасында «Әділеттілік –заң қағидалары» тақырыбында дөңгелек үстел ұйымдастырылды.

Кафедра аға оқытушысы Д.О.Айтмуханова, іс шара барысында әділеттілік - aдамдық қатынастардың заңға, моральдық-этикалық тәртіптерге, құқықтарға және нормаларға, талаптарға сәйкес келуі; құқықтар мен міндеттемелер арасындағы, еңбек пен марапаттау арасындағы, қылмыс пен жаза және т.б. арасындағы сәйкес келуі. Бұл ара қатынастарға сәйкес келмеушілік, әділетсіздік деп бағаланатындығын айтып өтті.

2 курс студенттері Талапов.Н «Конституциялық құқықтық теңдіктің теориялық мәселелері».,Қаби.А «Бала құқықтары туралы конвенция».,Өтешова А. «Еңбек құқығы құқық саласы ретінде» және өзге тақырыптар төңірегінде баяндамалар оқылды.

Қорытындылай келе, дөңгелек үстелге қатысушылар әділеттілік қағидасы –құқықтық мәдениетте адамдар арасындағы өзара қарым қатынастың белгілі тәртібіне қатысты қағида, адамның қоғам алдында ғана емес, сонымен бірге қоғамның тұлға үшін де жауаптылығын көрсететін, адамның өмір сүру жағдайлары мен сапасын білдіретін әлеуметтік этикалық категория, азаматтардың құқықтары мен бостандықтарын қорғаудың тиімді тетігіне мүдделі екенін жеткізді.

Шара соңында «Құқық- әділет пен парасат жолы» тақырыбымен кітап көрмесі шығарылды.

ПІКІРЛЕР

Тізімге қайта оралу

Құттықтаймыз!

17 Май 2022 32