Облыстық байқау өз мәресіне жетті
Х.Досмұхамедов атындағы Атырау мемлекеттік университетінде ұйымдастырылған қазақтың заңғар жазушысы Әбіш Кекілбаевқа арналған облыстық байқау өз мәресіне жетті.
Қатысушылардың өнерін бағалаған қазылар алқасының құрамында - Х.Досмұхамедов Атырау мемлекеттік университетінің профессоры, филология ғылымдарының докторы Қадыр Жүсіп Өтегенұлы, ҚР Еңбек сіңірген қайраткері Габдиев Мухаддас Рысбайұлы және Мемлекет және қоғам қайраткері, журналист Елекеев Ирак Қасымұлы болды,
Атырау облысының колледждері мен ЖОО студенттері қатысып, бақтарын сынаған байқау соңында - бас жүлдеге Х.Досмұхамедов атындағы Атырау мемлекеттік университеті, көптілді білім беру факультетінің студенті Серікқали Гүлраушан ие болды. Ал, жүлделі 1-ші орынға .Досмұхамедов атындағы Атырау мемлекеттік университеті, инновациялық білім беру факультетінің студенті Елтай Айтаңсық, жүлделі 2-ші орынға Х.Досмұхамедов атындағы Атырау мемлекеттік университеті, журналистика мамандығының студені Мұхтарғалиев Данияр Дидарұлы мен Х.Досмұхамедов атындағы Атырау мемлекеттік университеті, қазақ тілі мен әдебиеті мамандығының студенті Егінбай Данагүл ие болды.
Сонымен қатар, жүлделі 3-ші орынға Х.Досмұхамедов атындағы Атырау мемлекеттік университеті, қазақ тілі мен әдебиеті мамандығының студенті Келемова Гүлжайна, Қ.Дүтбаев атындағы Атырау гуманитарлық колледжінің студенті Хайрбеков Мақсат Хайрбекұлы және Қ.Дүтбаев атындағы Атырау гуманитарлық колледжінің студенті Ерғалиева Жаңылсын Ерғалиқызы ие болды.
Қазылар алқасы үміткерлердің өнерін бағалау кезінде, шығарманы оқу шеберлігіне, дауыс мәнеріне және тіл тазалығына, шығарманы таңдау талғамына назар аударып, соған сай шешім шығарды.
ПІКІРЛЕР