Әлем назарындағы Әбіш
Көрнекті мемлекет қайраткері, Қазақстанның Еңбек ері, Халық жазушысы, мемлекеттік сыйлықтың лауреаты Әбіш Кекілбаев- жүректерді жан жылуымен ерітіп, проза әлемінің биік шыңдарын өз еркіне бағындырған дара тұлға.
Қазақ топырағы қашанда талантты ерек, қадірі бөлек жандарға кенде болмаған. Бүгінгі күні Х.Досмұхамедов атындағы Атырау мемлекеттік университетінің шаңырағында әлем назарындағы Әбіштің 80 жылдығы-Білім шаңырағының 70 жылдығымен орайлас келіп тұр.
Ендеше, осы Білім ордасына қаламгер талантына тағзым ету мақсатында Х.Досмұхамедов атындағы Атырау мемлекеттік университетінің Қазақ тілі және әдебиеті кафедрасы, Әбіш Кекілбаев атындағы ғылыми-зерттеу орталығы, Атырау облыстық ғылыми-әдістемелік халық шығармашылығы мен мәдени демалыс қызметтерін ұйымдастыру орталығы-жазушы шығармашылығын ұрпақ санасына рухани жаңғыртуды өздеріне аманат санайды!
Соның бірден-бір дәлелі, бүгін Х.Досмұхамедов атындағы Атырау мемлекеттік университетінде «Әбіш оқулары-2019» облыстық байқауы өтуде.
Қазақтың заңғар жазушысы Әбіш Кекілбаевқа арналған байқауға Атырау облысының колледждері мен ЖОО студенттері қатысып, бақтарын сынауда.
Қатысушылардың өнерін бағалау үшін тағайындалған қазылар алқасының құрамында - Х.Досмұхамедов Атырау мемлекеттік университетінің профессоры, филология ғылымдарының докторы Қадыр Жүсіп Өтегенұлы, ҚР Еңбек сіңірген қайраткері Габдиев Мухаддас Рысбайұлы және Мемлекет және қоғам қайраткері, журналист Елекеев Ирак Қасымұлы бар.
Қазылар алқасы үміткерлердің өнерін бағалау кезінде, шығарманы оқу шеберлігіне, дауыс мәнеріне және тіл тазалығына, шығарманы таңдау талғамына назар аударады.
Ендеше, қатысушыларымызға сәттілік тілейміз!
ПІКІРЛЕР