Ғылыми-практикалық дөңгелек үстел өтті
Х.Досмұхамедов атындағы Атырау мемлекеттік университетінің 70 жылдық мерейтойын қарсы алу алдында «Университетіміздің 70 жылдығына – 70 қадам» бағдарламасы аясында түрлі жұмыстар жалғасын табуда.
Соның бір айғағы 2019 жылдың 13 қараша күні оқу орнымызға Алматыдан арнайы іссапармен шығып, еліміздің барлық облыстарын аралап келе жатырған бір топ ғалым, әдіскерлер келді. Көптілді білім беру факультетінің Қазақ тілі мен әдебиеті кафедрасының ұйымдастыруымен ғылыми-практикалық дөңгелек үстелге осы қонақтар шақырылды.
Дөңгелек үстелде университетіміздің ғылыми жұмыстар жөніндегі проректоры С.Н. Идрисов ашты, факультет деканы А.А. Султангубиева қонақтарды таныстырып өтті: Гулжаһан Орда – филология ғылымдарының докторы, М.Әуезов атындағы Әдебиет және өнер институтының бас ғылыми қызметкері. Бижомарт Қапалбек – мемлекеттік тілді дамыту институтының атқарушы директоры, филолог-тілші, ф.ғ.к. Ханзада Берденова – педагог-шебер, жаңартылған білім бағдарламасы бойынша «Қазақ тілі мен әдебиеті» оқулығының авторы.
Дөңгелек үстелде «Қазақ тілі мен әдебиеті оқулықтарының сапасы», «Жаңартылған білім мазмұны бойынша қазақ тілі мен әдебиетін оқытудың инновациялық әдістемесі», «Латыннегізді қазақ жазуының бүгінгі ахуалы» тақырыбында баяндамалар тыңдалып, қызу пікірталас болды. Пікірсайысқа Қазақ тілі мен әдебиеті, Филология мамандығының студенттері мен магистранттары белсене атсалысты. Модератор: аға оқытушы, магистр Н.А. Атаханова
ПІКІРЛЕР