Оқытушылар кәсіби біліктілігін арттырды

Нұрсұлтан Назарбаевтың 2017 жылы 12 сәуірдегі «Болашаққа бағдар: рухани жаңғыру» атты бағдарламалық мақаласында «ХХІ ғасырдағы ұлттық сана туралы» және «Таяу жылдардағы міндеттер» арқылы болашаққа қадам басудағы бірнеше сатыларды қамтитын рухани құндылықтарымызға байланысты мәселелер Елбасының көзқарасы ретінде сараланған.

2019 жылдың 14 қазаны мен 8 қарашасы аралығында Нұр-Сұлтан қаласында «Өрлеу» біліктілікті арттыру ұлттық акционерлік қоғамының ұйымдастыруымен «Қазақ тілі әліпбиін латын графикасына көшіру жағдайында жоғары оқу орындары профессор-оқытушылар құрамының кәсіби құзыреттілігін арттыру» тақырыбында біліктілікті арттыру курсы өтті. Аталған курсқа Х.Досмұхамедов атындағы Атырау мемлекеттік университетінің факультеттерінен 8 оқытушы тыңдаушы ретінде қатысып, өз біліктіліктерін арттырды.

Курс барысында қазақ тілі емлесінің ережелерін меңгеруде дауысты, дауыссыз дыбыс әріптерінің емлесі, қосымшалардың жалғануы, бас әріптің қолданылуы, бірге, бөлек, дефис арқылы жазылатын сөздер, шеттілдік сөздердің емлесі сияқты тақырыптар қамтылып, латын графикасы түрлі әдіс-тәсілдер арқылы меңгертілді.

Курсты өткізуші тренерлердің жаңа қазақ жазуын меңгертудегі әдіс-тәсілдері тыңдаушылардың көңілінен шығып, болашақта әркім өз пәніне қатысты аталған әдіс-тәсілдерді қолдануды жоспарлап отыр.

Елімізде латын графикасына көшу жұмыстары кезең-кезеңмен іске асатыны белгілі. Сондықтан білім саласында еңбек ететін әрбір маманның алдында зор міндет тұрғаны сөзсіз.

ПІКІРЛЕР

Тізімге қайта оралу

Хабарландыру!

9 Июл 2020 46