Студенттер өнер қайраткерлерімен кездесті

Қарашаның 9 жұлдызында Х.Досмұхамедов атындағы Атырау мемлекеттік университетінің Музыка және өнер кафедрасында екі бірдей өнер қайраткерімен кездесу өтті.

 

Кездесуге келген қонақтарды Х.Досмұхамедов атындағы Атырау мемлекеттік университетінің Ғылым жөніндегі проректоры Идирисов Саламат Нұрмұханұлы қарсы алып, 70 жылдық тарихы бар қарашаңырақтың жай-күйімен таныстырды. Айта кету керек, бұл шара оқу орнының 70 жылдық мерейтойына арналып ұйымдастырылды. Кездесу барысында ҚР мемлекеттік сыйлығының лауреаттары, композитор, Парасат орденінің иегері,  профессор Төлеген Мұхамеджанов пен Қазақстан мен Татарстан Республикаларының халық артисі, опера әншісі Нұржамал Үсенбаева кездесуге келгендерге ризашылықтарын білдіріп, халықтың сүйікті музыкасына айналып кеткен композицияларын орындап, студенттерге әдемі әсер қалдырды. Сонымен қатар, отбасының гимніне айналған Т.Мұхамеджановтың «Ақжелкен» әні шырқалды.

Студенттік кездерінен әдемі естеліктерімен бөліскен өнер қайраткерлері «Өнер жолындағы жас таланттарға сәттілік тілейміз!» деп ағынан жарылды.

 Кеш қонақтарына университетімізідің профессоры, композитор, жазушы, публицист, музыка танушы, Қазақстан мен Қырғызстанның еңбек сіңірген мәдениет қайраткері Ілия Жақанов алғысын айтса, ғылым жөніндегі проректор Саламат Идрисов университет атынан арнайы сыйлық табыс етті.

 

 

 

ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Ноя 2020 33