Атырау қалалық сотында семинар шара өткізілді
Қазақстан Республикасының Президенті Қ.Тоқаевтың 2019 жылғы 2 қыркүйектегі «СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ» атты Қазақстан халқына жолдауының екінші бөлімінде, Президент АЗАМАТТАРДЫҢ ҚҰҚЫҚТАРЫ МЕН ҚАУІПСІЗДІГІН ҚАМТАМАСЫЗ ЕТУ, яғни сот және құқық қорғау жүйесіндегі күрделі реформалар – азаматтарымыздың құқықтарын қорғаудың және олардың қауіпсіздігін күшейтудің негізгі факторы делінген.
Соттардағы цифрлік технологияның мүмкіндіктерін таныстыру мақсатында, Атырау қалалық сотында Атырау облыстық сотының судьясы А.У.Салихованың, Атырау облысы заң консультанттары палатасы өкілдерінің, «Атамекен» Ұлттық кәсіпкерлер палатасының өкілі О.Рзабековтың, Х.Досмұхамедов атындағы Атырау мемлекеттік университетінің «Құқықтану» мамандығының студенттерінің қатысуымен оқу-семинар шарасы өткізілді. Семинарда Атырау қалалық сотының төрағасы міндетін атқарушы Н.А.Искакова сот жүйесін жаңғыртуда атқарылып жатырған шаралардың басты мақсаты - сотқа деген ел сенімін арттыруға, дауларды сотқа дейін реттеуге, озық электронды қызметті көрсетуге, соттардың жұмысына заманауи форматты енгізуге мүмкіндіктер беруге бағытталғандығын атап өтті.
Шара барысында кеңсе меңгеруші Э.К.Тулепбергенова қатысушыларға сот жүйесіне іске қосылған «Сот кабинеті» электрондық сервисі және «Виртуалды сот» жобасы аясында қолданысқа енгізілген «TruеConf» мобильді қосымшасын қалай қолдану керектігін тәжірибе жүзінде көрсетті.
Кездесудің соңында студенттер соттағы «Татуластыру кабинетінде», «Отбасы сот» кабинетінде, «Фронт-офисте», аудио, бейне құрылғыларымен жабдықталған сот отырысының залдарымен танысып білім алушыларға қажетті мәліметтерді алды.
ПІКІРЛЕР